វីងធ្វើការផ្តល់ជូនការផ្ញើប្រាក់ឥតគិតថ្លៃដើម្បីធ្វើការគាំទ្រអតិថិជនកំឡុងពេលរាតត្បាតជំងឺកូវីដ១៩

សុខភាពនិងសុវត្ថិភាពរបស់សហគមន៍ទាំងមូលជាអាទិភាពចម្បងរបស់ពួកយើង។

ខណៈពេលដែលជំងឺកូវីដ១៩កំពុងរាតត្បាត ពួកយើងក៏កំពុងធ្វើការឆ្លើយតបគាំទ្រអតិថិជននៅកម្ពុជាដូចគ្នាផងដែរ។ ដើម្បីធ្វើការជួយប្រយុទ្ធប្រឆាំងជំងឺកូវីដ១៩ប្រកបដោយប្រសិទ្ធិភាព វីង សូមធ្វើការប្រកាសថាក្នុងរយៈពេលដ៏លំបាកមួយនេះរាល់ការផ្ញើប្រាក់ពីគណនីវីងទៅគណនីវីងតាមរយៈកម្មវិធីស្មាតហ្វូនវីងនឹងមិនត្រូវបានគិតថ្លៃសេវាចាប់ពីថ្ងៃទី ២៤ មីនា​ ២០២០នេះតទៅ។

សេវាកម្មដោយឥតគិតថ្លៃនឹងជួយអ្នកក្នុងផ្ញើប្រាក់ទៅមនុស្សជាទីស្រឡាញ់ក្នុងពេលដែលមានវិបិត្តនេះ ដោយធ្វើការជៀសវាងការប៉ះពាល់សាច់ប្រាក់ដោយផ្ទាល់។ ផ្ញើប្រាក់ពីគណនីវីងទៅគណនីវីងមិនតម្រូវឲ្យអ្នកនៅជិតជាមួយនឹងមនុស្សផ្សេងទៀត ឬ​ ប៉ះពាល់ប្រាក់ដែលអាចមានផ្ទុកនូវមេរោគផ្សេងៗ។

ក្រៅពីអត្ថប្រយោជន៍ចំពោះសុខភាពលើការចំណាយតាមបែបឌីជីថល កម្មវិធីស្មាតហ្វូនវីងក៏ផ្តល់នូវភាពងាយស្រួលច្រើនជាងនេះទៅទៀត នៅពេលដែលអ្នកធ្វើការទិញផលិតផលនិងសេវាកម្មចាំបាច់ផ្សេងៗទៅតាមហាងដែលមានច្រើនជាង ៤០០០ទីតាំង រាប់ចាប់តាំងពីហាងតូចៗតាមផ្សារ ថ្នល់ តំបន់ដាច់ស្រយាល រហូតដល់ហាងទំនើបៗនៅក្នុងទីក្រុងភ្នំពេញ។

អ្នកនៅតែអាចធ្វើការដកប្រាក់នៅតាមភ្នាក់ងារវីងដែលមានច្រើនជាង៧០០០ទីតាំងទូទាំងប្រទេសកម្ពុជា។