អំពី​ពួក​យើង

អំពីធនាគារ វីង (ខេមបូឌា) ម.ក

ធនាគារ វីង (ខេមបូឌា) ម.ក ជាធនាគារសម្រាប់ប្រជាជនកម្ពុជាគ្រប់រូបត្រូវបានជំរុញដោយចក្ខុវិស័យដើម្បីផ្តល់ឱ្យប្រជាជនកម្ពុជាគ្រប់រូបនូវភាពងាយស្រួលក្នុងការទទួលបានសេវាកម្មហិរញ្ញវត្ថុដែលចាំបាច់ និង ធ្វើឱ្យប្រសើរឡើងនូវការរស់នៅប្រចាំថ្ងៃរបស់ពួកគេ។

ធនាគារវីងបានកែប្រែវិធីដែលប្រជាជនកម្ពុជាគ្រប់រូបទទួលបានសេវាហិរញ្ញវត្ថុដោយណែនាំការផ្ទេរប្រាក់តាមរយៈទូរស័ព្ទចល័តរហ័ស មានសុវត្ថិភាព និងងាយស្រួល ចាប់តាំងពីថ្ងៃទី ១៨ ខែសីហាឆ្នាំ ២០០៨ មកម្ល៉េះ។

សព្វថ្ងៃនេះ ធនាគារវីងបម្រើប្រជាជនកម្ពុជាទាំងមូល ដោយគ្របដណ្តប់១០០% នៃស្រុកនានាក្នុងប្រទេសកម្ពុជា តាមរយៈកម្មវិធីស្មាតហ្វូនវីងប្រកបដោយភាពច្នៃប្រឌិតថ្មីៗ ភ្នាក់ងារវីងដែលមានជិត ១០.០០០ កន្លែង ដៃគូអាជីវកម្មដែលមានជាង ៥៥.០០០ និងការសហការជាមួយក្រុមហ៊ុនយក្សជាច្រើនក្នុងឧស្សាហកម្មដូចជា៖  Mastercard, MoneyGram,UnionPay,AliPay, WeChat Pay, Western Union, Visa, និង Ria   ជាដើម ។

មានទាំងក្រុមហ៊ុនខ្នាតតូចនិងក្រុមហ៊ុន ខ្នាតធំ កំពុងប្រើសេវាកម្មបើកប្រាក់បៀវត្សនិងសេវាទូទាត់ប្រាក់របស់វីងដែលបង្កើនល្បឿនទូទាត់លឿនជាងមុន។ មានភ្នាក់ងារវីងជាង ៨០ ភាគរយ និងអតិថិជន ៥០ ភាគរយជាស្ត្រីដែលធ្វើឱ្យវីងក្លាយជាឧទាហរណ៍ដ៏ល្អនៃបរិយាបន្នយេនឌ័រនៅក្នុងតំបន់។

ធនាគារវីងប្តេជ្ញាផ្តល់នូវបរិយាបន្នហិរញ្ញវត្ថុ យេនឌ័រ និងឌីជីថលដល់អ្នកមិនមានគណនីធនាគារ និងមិនស្ថិតក្នុងបណ្តាញធនាគារដែលអនុញ្ញាតឱ្យប្រជាជនកម្ពុជាគ្រប់រូបទទួលបាននូវភាពងាយស្រួលនិងសុវត្ថិភាពនៅពេលទទួលបានសេវាកម្មហិរញ្ញវត្ថុ៕

អំពីធនាគារ វីង (ខេមបូឌា) ម.ក

ធនាគារវីងផ្តល់ជូននូវផលិតផល និងសេវាកម្ម​ហិរញ្ញវត្ថុនាំមុខគេជាច្រើន សម្រាប់អតិថិជនជារូបវន្តបុគ្គល និងសាជីវកម្មនានា។ ផលិតផលទាំងនេះរួមមាន៖ សេវាប្រាក់កម្ចី សេវាប្រាក់បញ្ញើ សេវាសន្សំខ្នាតតូច សេវាណែនាំឥណទាន សេវាផ្ទេរប្រាក់ ការទូទាត់ថ្លៃទឹកភ្លើង និងធានារ៉ាប់រង ព្រមទាំងការបញ្ចូលទឹកប្រាក់ទូរស័ព្ទ។ លើសពីនេះ ធនាគារវីងផ្តល់ជូនការទូទាត់រាយតាមរយៈ“WingPay” ហើយថែមទាំងមានវេទិកាពាណិជ្ជកម្មអេឡិចត្រូនិច “ វីងម៉ល” ផងដែរ៕

បេសកកម្ម

• អតិថិជនជាអាទិភាព៖ យើងតែងតែស្វែងយល់ពីតម្រូវការរបស់អតិថិជន និងផ្តល់ជូនសេវាកម្ម ឬផលិតផល ដែលស័ក្តិសមបំផុត និងផ្តល់នូវដំណោះស្រាយដ៏មានប្រសិទ្ធភាព ដើម្បីបំពេញតំរូវការអតិថិជនឲ្យបានទាន់ពេលវេលា។
• ផ្តោតលើការអភិវឌ្ឍសហគមន៍៖ ងផ្តល់នូវសេវាហិរញ្ញវត្ថុដែលមានភាពងាយស្រួល និងមានប្រសិទ្ធភាពខ្ពស់តាមរយៈអេប Wing Bank ដែលរួមបញ្ចូលនូវសេវាហិរញ្ញវត្ថុ និងកាត់បន្ថយវិសមភាពក្នុងសង្គមផងដែរ។
• បុគ្គលិកជាសសរស្តម្ភ៖ យើងបង្កើតឲ្យមាននូវបរិយាកាសការងារល្អ ដែលអាចធ្វើឲ្យបុគ្គលិកទទួលបានភាពងាយស្រួល ក្នុងការឈានទៅសម្រេចបាននូវអាជីពការងារដែលពួកគេពេញចិត្ត តាមរយៈការអនុវត្តជាក់ស្តែង ដែលនេះគឺជាកត្តាគួបផ្សំមួយ ដែលបង្ហាញពីគុណតម្លៃរបស់យើង។
• ផ្តល់គុណតម្លៃដល់ភាទុនិក៖ យើងបង្កើតនូវស្តង់ដារអភិបាលកិច្ចសាជីវកម្មដ៏រឹងមាំ ការពារ និងធ្វើឲ្យមានតុល្យភាពផលប្រយោជន៍ របស់ភាទុនិក ក្នុងដំណើរឆ្ពោះទៅសម្រេចបាននូវគោលដៅអាជីវកម្មរយៈពេលខ្លី និងវែង ក៏ដូចជារក្សាជំហរក្នុងការក្លាយជាធនាគារ ដែលផ្តល់នូវសេវាហិរញ្ញវត្ថុដែលមានភាពច្នៃប្រឌិត សម្រាប់ប្រជាជនកម្ពុជា។