ចំណង់ចំណូលចិត្ត:

ខ្ញុំរឹតតែមានចំណាប់អារម្មណ៍ក្នុងការអាន បន្ទាប់ពីឃើញថា មនុស្សភាគច្រើនដែលទទួលបានជោគជ័យ តែងតែអានសៀវភៅ។ ការអានធ្វើឱ្យអ្នកមើលឃើញពិភពលោកខុសប្លែកពីមុន តាមរយៈអារម្មណ៍ និងផ្នត់គំនិតរបស់អ្នកនិពន្ធ ដែលបង្ហាញតាមរយៈការតែងនិពន្ធរបស់ពួកគាត់។ ចំណង់ចំណូលចិត្តបែបនេះ បានរួមចំណែកដល់អាជីពរបស់ខ្ញុំនៅ ធនាគារឯកទេសវីង ព្រោះវាជួយឲ្យខ្ញុំរៀនយល់ពីអារម្មណ៍របស់អតិថិជនតាមរយៈសារដែលពួកគេបានផ្ញើមកកាន់ទំព័របណ្តាញសង្គមរបស់វីង។ នៅពេលដែលពួកគាត់មានអារម្មណ៍ខឹង វាជាការល្អដែលយើងឈានមួយជំហានទៅក្រោយ ហើយព្យាយាមយល់ពីអារម្មណ៍របស់ពួកគាត់មុននឹងធ្វើការឆ្លើយតបតាមរយៈសារទៅកាន់ពួកគាត់។ ខ្ញុំក៏ចូលចិត្តជួបមនុស្សថ្មីដែរ ដោយសារយើងអាចចែករំលែកបទពិសោធន៍ខុសៗគ្នា ហើយវាជួយកាត់បន្ថយភាពអៀនខ្មាស់របស់ខ្ញុំនៅពេលខ្ញុំជួបនឹងអ្នកដទៃដែលមិនធ្លាប់ស្គាល់ពីមុន។