មិនថាអ្នកចង់ផ្ទេរប្រាក់ទំនុកបម្រុងដល់មនុស្សជាទីស្រលាញ់ ដំណើរការអាជីវកម្ម ឬទទួលប្រាក់ពីក្រៅប្រទេសនោះទេ ធនាគារ វីង ធ្វើឱ្យការផ្ទេរប្រាក់អន្តរជាតិរបស់អ្នកមានភាពសាមញ្ញ រហ័ស និងមានសុវត្ថិភាពបំផុត។ ជាមួយនឹងបណ្តាញគ្របដណ្តប់ជាង 200 ប្រទេស និងដៃគូសហការទូទាំងសកលលោក ធ្វើឱ្យការភ្ជាប់ទំនាក់ទំនងផ្នែកហិរញ្ញវត្ថុកាន់តែមានភាពងាយស្រួល។  

ភ្ជាប់ទំនាក់ទំនងទោះស្ថិតក្នុងចម្ងាយឆ្ងាយប៉ុណ្ណា 

ធនាគារ វីង ភ្ជាប់ប្រទេសកម្ពុជាទៅកាន់ពិភពលោកតាមរយៈដៃគូអន្តរជាតិដែលគួរឱ្យទុកចិត្ត និងបណ្តាញភ្នាក់ងារដ៏រឹងមាំនៅទូទាំងប្រទេស។ រាល់ការផ្ទេរប្រាក់ត្រូវបានរៀបចំឡើងដើម្បីផ្តល់ឱ្យអ្នកនូវទំនុកចិត្ត ភាពងាយស្រួល និងការគ្រប់គ្រងបានច្បាស់លាស់ មិនថាទឹកប្រាក់ផ្ទេរចេញ ឬទទួលចូលពីប្រភពណាក៏ដោយ។    

របៀបផ្ទេរប្រាក់  

ការផ្ទេរប្រាក់ទៅក្រៅប្រទេសគឺមានភាពសាមញ្ញ និងបត់បែនជាមួយ មុខងារ “ផ្ទេរប្រាក់ទៅក្រៅប្រទេស” របស់ធនាគារ វីង។

របៀបផ្ទេរប្រាក់តាមរយៈអេប Wing Bank  

ការផ្ទេរប្រាក់ចំណាយពេលត្រឹមតែប៉ុន្មានជំហានប៉ុណ្ណោះ៖ 

1. ចូលទៅកាន់អេប Wing Bank  
2. ចុចលើ “ផ្ទេរប្រាក់ទៅក្រៅប្រទេស”  
3. ជ្រើសរើសប្រទេសគោលដៅ និងដៃគូសហការ  
4. បញ្ចូលព័ត៌មានអ្នកទទួល និងចំនួនទឹកប្រាក់ដែលត្រូវផ្ទេរ 
5. បញ្ជាក់ការផ្ទេរប្រាក់ជាមួយលេខកូដសម្ងាត់ PIN 4 ខ្ទង់ របស់អ្នក —ជាការស្រេច។ 

របៀបទទួលប្រាក់    

ការទទួលប្រាក់ពីក្រៅប្រទេសក៏មានភាពងាយស្រួលដូចគ្នា។ មិនថាអ្នកជាពលករចំណាកស្រុក ម្ចាស់អាជីវកម្ម ឬអាជីវករនោះទេ ធនាគារ វីង ជួយឱ្យអ្នកទទួលបានប្រាក់របស់អ្នកបានយ៉ាងរហ័ស និងមានសុវត្ថិភាព។ 

របៀបទទួលប្រាក់តាមរយៈអេប Wing Bank  

1. ចូលទៅកាន់អេប Wing Bank 
2. ចុចលើ “លេខកូដមកវីង”  
3. ជ្រើសរើសដៃគូទូទាត់ 
4. បញ្ចូលព័ត៌មានដែលតម្រូវ  
5. បញ្ជាក់ជាមួយលេខកូដសម្ងាត់ PIN 4 ខ្ទង់ របស់អ្នក ជាការស្រេច។    

ផ្ទេរប្រាក់ដោយទំនុកចិត្ត  

 ជាមួយធនាគារ វីង ការផ្ទេរប្រាក់អន្តរជាតិត្រូវបានរៀបចំឡើងតាមតម្រូវការរបស់អ្នក  ដោយសាមញ្ញ ជឿជាក់បាន និងងាយស្រួលប្រើប្រាស់។ មិនថាអ្នកនៅទីណាក៏ដោយ យើងនៅទីនេះដើម្បីជួយអ្នកផ្ទេរប្រាក់ឆ្លងប្រទេសដោយរលូន។ ការទំនុកបម្រុង មនុស្សជាទីស្រលាញ់ ឬការទទួលប្រាក់ពីក្រៅប្រទេស នឹងកាន់តែងាយស្រួលជាងពេលណាៗទាំងអស់។