ធនាគារ វីង ចូលរួមជាមួយអ្នកជិះកង់ 500នាក់ ដើម្បីលើកកម្ពស់ការប្រើប្រាស់ប្រាក់រៀលខ្មែរ នៅខេត្តកំពត

ចាប់ពីការលើកទឹកចិត្តឱ្យមានការបើកប្រាក់បៀវត្សជាប្រាក់រៀលខ្មែរ រហូតដល់ការលើកកម្ពស់របៀបរស់នៅប្រកបដោយសុខភាពល្អ ធនាគារ វីង បានបង្ហាញពីការប្តេជ្ញាចិត្តរបស់ខ្លួនក្នុងការលើកកម្ពស់ការប្រើប្រាស់រូបិយប័ណ្ណជាតិ និងនិរន្តរភាព តាមរយៈសកម្មភាពជាក់ស្តែង។

ចេញផ្សាយនៅ: Nov 17, 2026

ខេត្តកំពត ថ្ងៃទី8 ខែវិច្ឆិកា ឆ្នាំ2026 – ធនាគារ វីង (ខេមបូឌា) ម.ក បានចូលរួមជាអ្នកឧបត្ថម្ភកម្រិតមាស ក្នុងព្រឹត្តិការណ៍ជិះកង់របស់វិស័យធនាគារលើកទី6 ដែលបានប្រព្រឹត្តទៅនៅថ្ងៃទី7 ខែវិច្ឆិកា ឆ្នាំ2026 នៅខេត្តកំពត។ ព្រឹត្តិការណ៍នេះមានអ្នកចូលរួមប្រមាណ 500នាក់ រួមមានធនាគារិក និងថ្នាក់ដឹកនាំក្នុងវិស័យធនាគារ ដើម្បីរួមគ្នាលើកកម្ពស់ការប្រើប្រាស់ប្រាក់រៀលខ្មែរ ការរស់នៅប្រកបដោយសុខភាពល្អ និងនិរន្តរភាពបរិស្ថាន។ 

 

រៀបចំឡើងដោយសមាគមធនាគារនៅកម្ពុជា (ABC) ក្រោមការគាំទ្រពីធនាគារជាតិនៃកម្ពុជា និងដៃគូពាក់ព័ន្ធផ្សេងទៀត ព្រឹត្តិការណ៍នេះមានកម្មវិធីជិះកង់កម្សាន្តចម្ងាយជាង 16គីឡូម៉ែត្រ និងការប្រណាំងកង់ចម្ងាយជាង 21គីឡូម៉ែត្រ ឆ្លងកាត់តំបន់ទេសភាពដ៏ស្រស់ស្អាតនៃខេត្តកំពត។ 

 

លោក ហោ ប៊ុនថែ អគ្គនាយករងនៃធនាគារ វីង បានមានប្រសាសន៍ថា៖ «ព្រឹត្តិការណ៍ប្រចាំឆ្នាំនេះ គឺជាឱកាសដ៏ល្អសម្រាប់ធនាគារិក និងភាគីពាក់ព័ន្ធ បានជួបជុំគ្នា ពង្រឹងទំនាក់ទំនង និងចូលរួមសកម្មភាពដែលផ្តល់អត្ថប្រយោជន៍ដល់សុខភាព។ ធនាគារ វីង បានចូលរួមក្នុងព្រឹត្តិការណ៍នេះជារៀងរាល់ឆ្នាំ ព្រោះយើងយល់ថា ការលើកកម្ពស់ការប្រើប្រាស់ប្រាក់រៀលខ្មែរ មិនមែនគ្រាន់តែជាការផ្សព្វផ្សាយការយល់ដឹងប៉ុណ្ណោះទេ ប៉ុន្តែត្រូវមានការអនុវត្តជាក់ស្តែងផងដែរ។ យើងក៏បានរៀបចំឱ្យបុគ្គលិករបស់យើងទទួលប្រាក់បៀវត្សជាប្រាក់រៀលផងដែរ ដើម្បីជំរុញការប្រើប្រាស់រូបិយប័ណ្ណជាតិក្នុងការចំណាយ និងការសន្សំប្រចាំថ្ងៃផងដែរ។ នៅពេលប្រជាពលរដ្ឋកាន់តែច្រើនទទួលប្រាក់ចំណូល សន្សំ និងទូទាត់ជាប្រាក់រៀល តួនាទីរបស់ប្រាក់រៀលក្នុងសេដ្ឋកិច្ចជាតិក៏កាន់តែរឹងមាំផងដែរ»។ 

 

ប្រាក់រៀលខ្មែរមានចំនួនប្រតិបត្តិការទូទាត់ឌីជីថលច្រើនជាងប្រាក់ដុល្លារអាមេរិក។ យោងតាមរបាយការណ៍ប្រចាំឆ្នាំ2025 របស់ធនាគារជាតិនៃកម្ពុជា ប្រព័ន្ធទូទាត់បាគងបានដំណើរការប្រតិបត្តិការជាប្រាក់រៀលចំនួន 771លានប្រតិបត្តិការ ខណៈប្រតិបត្តិការជាប្រាក់ដុល្លារអាមេរិកមានចំនួន ៥៥៤លានប្រតិបត្តិការ។ 

 

គិតត្រឹមដំណាច់ខែតុលា ឆ្នាំ2026 ធនាគារ វីង មានគណនីជាប្រាក់រៀលចំនួន 4.1លានគណនី ស្មើនឹង 56% នៃចំនួនគណនីសរុបរបស់ធនាគារ។ ប្រាក់បញ្ញើជាប្រាក់រៀលមានតម្លៃសមមូល 626លានដុល្លារអាមេរិក ខណៈគណនីឥណទានជាប្រាក់រៀលមានចំនួន 123,000គណនី ជាមួយទំហំទឹកប្រាក់សរុបប្រមាណ 281លានដុល្លារអាមេរិក។ ក្នុងរយៈពេលដូចគ្នានេះ ធនាគារ វីង បានដំណើរការប្រតិបត្តិការជាប្រាក់រៀលចំនួន 337លានប្រតិបត្តិការ ដែលមានតម្លៃសរុបប្រមាណ 23ពាន់លានដុល្លារអាមេរិក។ 

 

ចូលរួមលើកកម្ពស់ការប្រើប្រាស់ប្រាក់រៀលខ្មែរ ក្នុងប្រតិបត្តិការធនាគារប្រចាំថ្ងៃរបស់លោកអ្នក ដោយបើកគណនីជាប្រាក់រៀលបានយ៉ាងងាយស្រួលតាមរយៈកម្មវិធី Wing Bank App៖ https://wingbank.onelink.me/jA7d/erz6431s 

 

សម្រាប់ព័ត៌មានបន្ថែម សូមទាក់ទងមកកាន់មជ្ឈមណ្ឌលបម្រើអតិថិជនរបស់ធនាគារ វីង តាមរយៈលេខទូរស័ព្ទ 023 999 989។ 

 

ព័ត៌មានដែលមានទំនាក់ទំនងគ្នា

អានរហ័ស

ធនាគារ វីង ដែលជាធនាគារខ្មែរ 100% ចូលរួមគាំទ្រពិព័រណ៍ «ខ្មែរធ្វើបាន» ឆ្នាំ2026

ក្នុងនាមជាអ្នកឧបត្ថម្ភកម្រិតប្រាក់ និងជាវាគ្មិនក្នុងវេទិកាពិភាក្សា ធនាគារ វីង បានបង្ហាញពីសេវាហិរញ្ញប្បទាន និងសេវាទូទាត់ឌីជីថលសម្រាប់សហគ្រាសធុនតូច និងមធ្យមនៅកម្ពុជា។

ចេញផ្សាយនៅ: Nov 17, 2026

អានរហ័ស

ធនាគារ វីង និងបុរី ហ្គោលដេន ផាក សហការផ្តល់ជូនការបញ្ចុះតម្លៃពិសេសលើការទិញផ្ទះ

អតិថិជន និងបុគ្គលិកធនាគារ វីង ទាំងអស់នឹងទទួលបានការបញ្ចុះតម្លៃ 1.7% សម្រាប់លំនៅឋានចំនួន 99 យូនីត ពីបុរី ហ្គោលដេន ផាក។

ចេញផ្សាយនៅ: Nov 12, 2026

អានរហ័ស

ធនាគារ វីង សហការជាមួយបុរី មេគង្គ លែន ផ្តល់ជូនកម្ចីទិញផ្ទះពិសេស និងប័ណ្ណបញ្ចុះតម្លៃសរុប ២ លានដុល្លារ

ការផ្តល់ជូននេះមានសម្រាប់អតិថិជន និងបុគ្គលិកធនាគារ វីង ព្រមទាំងបុគ្គលិកក្រុមហ៊ុន រ៉ូយ៉ាល់គ្រុប សម្រាប់ការទិញគេហដ្ឋាននៅគ្រប់គម្រោងរបស់បុរី មេគង្គ លែន។

ចេញផ្សាយនៅ: Nov 06, 2026