របៀបផ្ទេរប្រាក់

របៀបផ្ទេរប្រាក់តាម easy2send

• ចុះឈ្មោះប្រើប្រាស់: ដោយបំពេញព័ត៌មា​នផ្ទេរប្រាក់របស់អ្នក
• ការផ្ទៀងផ្ទាត់:2C2P នឹងដំណើរការការផ្ទៀងផ្ទាត់គណនីរបស់អ្នក
• បញ្ចូលុយ: បញ្ចូលុយទៅកាន់ easyWallet របស់អ្នក
• ផ្ទេរប្រាក់:បន្ទាប់ពីការចុះឈ្មោះអនុម័ត អ្នកនឹងទទួលបាន កាត easyWallet, ដែលអនុញ្ញាតឲ្យអ្នកផ្ទេរប្រាក់បានតាមបណ្តាញជាច្រើន ទាំងអនឡាញ និងដោយផ្ទាល់។

ដើម្បីផ្ទេរប្រាក់សូមមើលតាមជំហានងាយៗខាងក្រោម

អនឡាញ

• ចូលទៅកាន់ផេក easyWallet
• សម្រាប់ការផ្ទេរប្រាក់លើកដំបូង អ្នកត្រូវតែបង្កើតគណនី easyWallet តាមវេបសាយជាមុនសិន
• បំពេញលេខទូរស័ព្ទដែលអ្នកបានប្រើសម្រាប់ការចុះឈ្មោះ easy2send
• អ្នកនឹងទទួលបានលេខកូដ OTP តាមរយៈសារ SMS ដើម្បីបញ្ជាក់
• បង្កើតលេខកូដសម្ងាត់សម្រាប់គណនី
• ចូលប្រើប្រាស់គ្រប់ពេល តាមរយៈលេខទូរស័ព្ទ និងលេខកូដសម្រាប់ផ្ទេរប្រាក់
• អ្នកក៏អាចបន្ថែមឈ្មោះអ្នកទទួលថ្មី ពីលើបញ្ជីឈ្មោះអ្នកទទួលដែលអ្នកបានរៀបរាប់ក្នុងអំឡុងពេលចុះឈ្មោះប្រើប្រាស់ easy2send របស់អ្នក។

ដោយផ្ទាល់

• ទៅកាន់បញ្ជរដៃគូ ដោយភ្ជាប់ជាមួយកាត easyWallet (សូមពិនិត្យមើលឈ្មោះដៃគូដែលមានបញ្ជាក់នៅលើកាត easyWallet)
• នៅបញ្ជរដៃគូ នឹងមានបុគ្គលិកដែលអាចជួយលោកអ្នក ដើម្បីធ្វើប្រតិបត្តិការផ្ទេរប្រាក់ សូមបញ្ជាក់ថាថ្លៃសេវានឹងត្រូវបានគិត។

របៀបទទួលប្រាក់

ទទួលតាមគណនីធនាគារ វីងផ្ទាល់

អ្នកទទួលមិនតម្រូវឲ្យធ្វើអ្វីទាំងអស់ លុយនឹងវេរចូលទៅក្នុងគណនីធនាគារ វីងរបស់ពួកគេភ្លាមៗ បន្ទាប់ពីប្រតិបត្តិការផ្ទេរប្រាក់បានជោគជ័យ។

អ្នកផ្ទេរប្រាក់ត្រូវតែជាអតិថិជនដែលមានគណនីធនាគារ វីង ពេញលេញ (Full KYC) ។

ទទួលតាមលេខទូរស័ព្ទ

សម្រាប់ការផ្ទេរមកលេខទូរស័ព្ទអ្នកទទួល លោកអ្នកអាចជ្រើសរើសទទួលប្រាក់តាម 2 របៀបផ្សេងគ្នាដូចខាងក្រោម៖

1. ទទួលប្រាក់តាមអេប Wing Bank តាមមុខងារលេខកូដមកវីង ដោយប្រើលេខកូដយោង 8 ខ្ទង់:

អ្នកទទួល អាចទទួលប្រាក់ផ្ទេរបានកាន់តែងាយស្រួលចូលទៅក្នុងគណនីធនាគារ វីងរបស់ពួកគេ ដោយប្រើកូដយោង 8 ខ្ទង់ដែលទទួលបានពីអ្នកផ្ទេរ តាមមុខងារ កូដទៅវីង និងធ្វើតាមជំហានងាយៗដូចខាងក្រោម៖

• ចូលទៅកាន់អេប Wing Bank app
• ចុចលើ "កូដទៅវីង"
• ចុច "វីង"
• បំពេញលេខកូដយោង 8 ខ្ទង់
• បំពេញចំនួនទឹកប្រាក់
• បំពេញព័ត៌មានផ្ទាល់ខ្លួន រួចចុច "ផ្ញើ"
• បញ្ជាក់ចំនួនទឹកប្រាក់ រួចចុច "បញ្ជាក់"
• បំពេញលេខកូដសម្ងាត់ "4 ខ្ទង់របស់គណនី" ដើម្បីបញ្ចប់ប្រតិបត្តិការ

បញ្ជាក់៖ អតិថិជនត្រូវតែជាអតិថិជនដែលមានគណនីធនាគារ វីងពេញលេញ។ ឈ្មោះ និងនាមត្រកូលរបស់អ្នកទទួលត្រូវតែដូចគ្នាជាមួយនឹងឈ្មោះគណនី។

2. ដកសាច់ប្រាក់ដោយផ្ទាល់ តាមសាខាធនាគារ វីង ឬទីតាំង វីង ដែលនៅជិត

អ្នកទទួលអាច ដកប្រាក់នៅតាម សាខាធនាគារ វីង ឬទីតាំង វីង គ្រប់ទីកន្លែង ដោយភ្ជាប់មកជាមួយនូវកសារបញ្ជាក់មួយចំនួនដួចខាងក្រោម៖

• ភ្ជាប់ជាមួយនូវលេខទូរស័ព្ទ
• លេខកូដយោង 8 ខ្ទង់ដែលទទួលបានពីអ្នកផ្ទេរ

ចំណាំ​: ឈ្មោះរបស់អ្នកទទួលគួរតែត្រូវគ្នានឹងព័ត៌មានដែលផ្តល់ដោយអ្នកផ្ញើ។

លក្ខខណ្ឌ និងដែនកំណត់

ចំនួនទឹកប្រាក់ផ្ទេរ និងថ្លៃសេវា ពីថៃមកកម្ពុជារបស់​2C2P

សម្រាប់ការដកសាច់ប្រាក់តាមវីង៖ បានរហូតដល់ 1,000 ដុល្លារ (ប្រមាណជា 35,000 ថៃបាត) ក្នុងមួយប្រតិបត្តិការ និង 3,000 ដុល្លារ (ប្រមាណជា 100,000 ថៃបាត) ក្នុងមួយថ្ងៃ។

សម្រាប់ទទួលប្រាក់តាមរយៈគណនីធនាគារ វីង៖ បានរហូតដល់ 2,500 ដុល្លារ (ប្រមាណជា 80,000 ថៃបាត) ក្នុងមួយប្រតិបត្តិការ និង 5,000 ដុល្លារ (ប្រមាណជា 170,000 ថៃបាត) ក្នុងមួយថ្ងៃ។