តើអាជីវកម្មអ្នកផ្ដល់អ្វីខ្លះដល់បុគ្គលិកក្រៅពីប្រាក់ខែ? ស្វែងយល់ពីអត្ថប្រយោជន៍នៃសេវាកម្មបើកប្រាក់បៀវត្សរបស់ធនាគារ វីង

លើសពីការទទួលបានប្រាក់ខែត្រឹមត្រូវតាមកាលកំណត់ បុគ្គលិកនាពេលបច្ចុប្បន្នរំពឹងចង់បានស្ថាប័នដែលផ្តល់តម្លៃលើសុខមាលភាពហិរញ្ញវត្ថុ និងជាបង្អែកដ៏រឹងមាំសម្រាប់អនាគតរបស់ពួកគេ។ ស្របពេលដែលអាជីវកម្មនានាកំពុងប្រកួតប្រជែងគ្នាយ៉ាងស្វិតស្វាញ ក្នុងការទាក់ទាញ និងរក្សាធនធានមនុស្សដែលមានសមត្ថភាព ប្រព័ន្ធបើកប្រាក់ខែ ក៏កំពុងវិវឌ្ឍខ្លួនពីត្រឹមជាកិច្ចការរដ្ឋបាលទូទៅ ទៅជាយុទ្ធសាស្ត្រដ៏មុតស្រួចមួយ ក្នុងការរក្សាបុគ្គលិក លើកកម្ពស់សុខុមាលភាពហិរញ្ញវត្ថុ និងជំរុញប្រសិទ្ធភាពប្រតិបត្តិការការងារផងដែរ។ 

ហេតុអ្វីបានជាសុខមាលភាពហិរញ្ញវត្ថុរបស់បុគ្គលិកជារឿងចាំបាច់? 

សុខុមាលភាពហិរញ្ញវត្ថុ បាននឹងកំពុងក្លាយជាផ្នែកមួយដ៏សំខាន់នៃបទពិសោធន៍របស់បុគ្គលិកនៅកន្លែងធ្វើការ។ នៅពេលដែលបុគ្គលិកមានអារម្មណ៍ថាខ្លួនមានសុវត្ថិភាពផ្នែកហិរញ្ញវត្ថុ ពួកគេនឹងកាន់តែមានការយកចិត្តទុកដាក់ មានការចូលរួមសកម្ម និងបំពេញការងារបានកាន់តែល្អប្រសើរ។ យ៉ាងណាមិញ លទ្ធភាពក្នុងការទទួលបានសេវាហិរញ្ញវត្ថុផ្លូវការ នៅតែមានកម្រិតនៅឡើយសម្រាប់ប្រជាជនកម្ពុជាជាច្រើន។ យោងតាមរបាយការណ៍សិក្សារបស់ធនាគារពិភពលោក​ ឆ្នាំ2025 បានរកឃើញថា មានត្រឹមតែ 7% ប៉ុណ្ណោះនៃគ្រួសារក្រីក្រ និងងាយរងគ្រោះ ដែលមានប្រាក់សន្សំ ហើយមានតែ 1% ប៉ុណ្ណោះដែលមានធានារ៉ាប់រង។ ថ្វីត្បិតតែទិន្នន័យនេះមិនតំណាងឱ្យកម្លាំងពលកម្មទាំងមូលក៏ដោយ ប៉ុន្តែវាបានគូសបញ្ជាក់យ៉ាងច្បាស់ពីភាពងាយរងគ្រោះផ្នែកហិរញ្ញវត្ថុដែលកំពុងកើតមានឡើង។  

ថ្វីត្បិតតែនិយោជកមិនអាចដោះស្រាយគ្រប់បញ្ហាប្រឈមផ្នែកហិរញ្ញវត្ថុ ដែលបុគ្គលិកកំពុងជួបប្រទះបានទាំងអស់ក៏ពិតមែន ប៉ុន្តែពួកគេអាចដើរតួជាអ្នកសម្របសម្រួលឱ្យបុគ្គលិកទទួលបានការគាំទ្រផ្នែកហិរញ្ញវត្ថុតាមរយៈប្រព័ន្ធការងារ។ ស្ថាប័នដែលមានចក្ខុវិស័យវែងឆ្ងាយ តែងយល់ច្បាស់ថាការគ្រប់គ្រងប្រាក់បៀវត្សមិនមែនត្រឹមតែជាកិច្ចការរដ្ឋបាលធម្មតានោះទេ ប៉ុន្តែវាគឺជាយុទ្ធសាស្ត្រក្នុងការជួយបុគ្គលិកកសាងភាពរឹងមាំផ្នែកហិរញ្ញវត្ថុ និងបង្ហាញពីការយកចិត្តទុកដាក់ខ្ពស់ចំពោះសុខមាលភាពរបស់ពួកគេ។ 

ប្រែក្លាយការគ្រប់គ្រងប្រាក់បៀវត្ស ទៅជាដំណោះស្រាយហិរញ្ញវត្ថុគ្រប់ជ្រុងជ្រោយ 

សេវាកម្មគ្រប់គ្រងប្រាក់បៀវត្សសម្រាប់ស្ថាប័ននៅកម្ពុជានាពេលបច្ចុប្បន្ន កំពុងមានការវិវឌ្ឍលើសពីការគ្រាន់តែបើកប្រាក់ខែឱ្យបានទៀងទាត់។ ការគ្រប់គ្រងប្រាក់បៀវត្សលែងត្រឹមតែជាកិច្ចការរដ្ឋបាលសាមញ្ញទៀតហើយ ប៉ុន្តែវាបានក្លាយជាថ្នាលមួយដែលផ្សាភ្ជាប់បុគ្គលិកទៅកាន់មធ្យោបាយហិរញ្ញវត្ថុដ៏សម្បូរបែប ដើម្បីគាំទ្រដល់ការរស់នៅប្រចាំថ្ងៃរបស់ពួកគេឱ្យកាន់តែប្រសើរឡើង។ 

សេវាបើកប្រាក់បៀវត្សរបស់ធនាគារ វីង ផ្តល់លទ្ធភាពឱ្យគ្រប់អាជីវកម្ម ចាប់ពីសហគ្រាសខ្នាតតូច រហូតដល់ក្រុមហ៊ុនសាជីវកម្មធំៗដែលមានសាខាច្រើន អាចគ្រប់គ្រងការបើកប្រាក់បៀវត្សបានយ៉ាងឆាប់រហ័ស ប្រកបដោយសុវត្ថិភាព និងអនុលោមតាមបទប្បញ្ញត្តិច្បាប់ការងារ និងពន្ធដារ។ បុគ្គលិកមិនត្រឹមតែទទួលបានប្រាក់បៀវត្សតាមប្រព័ន្ធឌីជីថលប៉ុណ្ណោះទេ ប៉ុន្តែថែមទាំងអាចដកសាច់ប្រាក់បានយ៉ាងងាយស្រួលគ្រប់ពេលវេលា តាមរយៈបណ្តាញភ្នាក់ងារវីងជាង 12,000 កន្លែងទូទាំងប្រទេស ឬចាត់ចែងរាល់ប្រតិបត្តិការហិរញ្ញវត្ថុតាមអេប Wing Bank ដែលអាចប្រើប្រាស់សេវាហិរញ្ញវត្ថុសម្រាប់ជីវភាពប្រចាំថ្ងៃរហូតដល់ទៅជាង 100 ប្រភេទ។  

បុគ្គលិកដែលបើកប្រាក់បៀវត្សតាមធនាគារ វីង អាចប្រើប្រាស់កម្មវិធីធនាគារតាមទូរសព្ទដែលមានសុវត្ថិភាពខ្ពស់បំផុតបាន 24 ម៉ោងលើ 24 ម៉ោង ដើម្បីទទួលបាននូវដំណោះស្រាយហិរញ្ញវត្ថុគ្រប់ជ្រុងជ្រោយ។ សេវាកម្មទាំងនោះរួមមាន កម្ចីឌីជីថល ការទូទាត់វិក្កយបត្រ ការបញ្ចូលកាតទូរសព្ទ ការបើកគណនីសន្សំ និងសេវាធនាគារជាច្រើនទៀត ដែលត្រូវបានរចនាឡើងយ៉ាងពិសេសដើម្បីគាំទ្រដល់ការរៀបចំផែនការហិរញ្ញវត្ថុផ្ទាល់ខ្លួន និងតម្រូវការប្រើប្រាស់ប្រចាំថ្ងៃឱ្យកាន់តែមានភាពងាយស្រួល។ 

ការធ្វើឱ្យប្រព័ន្ធបើកប្រាក់បៀវត្សកាន់តែមានភាពងាយស្រួល និងឆាប់រហ័ស មិនត្រឹមតែជួយឱ្យបុគ្គលិកទទួលបានបទពិសោធការងារកាន់តែប្រសើរប៉ុណ្ណោះទេ តែថែមទាំងជួយកាត់បន្ថយភាពស្មុគស្មាញនៃកិច្ចការរដ្ឋបាលសម្រាប់ក្រុមការងារធនធានមនុស្ស និងផ្នែកហិរញ្ញវត្ថុផងដែរ។ 

ការលើកកម្ពស់សុវត្ថិភាពហិរញ្ញវត្ថុសម្រាប់បុគ្គលិក និងក្រុមគ្រួសារ 

គុណតម្លៃនៃប្រព័ន្ធប្រាក់បៀវត្សដែលមានប្រសិទ្ធភាព គឺមានវិសាលភាពធំធេងជាងត្រឹមតែការទទួលបានប្រាក់ខែប្រចាំខែ។ តាមរយៈសេវាបើកប្រាក់បៀវត្សរបស់ធនាគារ វីង បុគ្គលិកនឹងទទួលបានអត្ថប្រយោជន៍បន្ថែមជាច្រើន ដែលជួយឱ្យពួកគេត្រៀមខ្លួនបានរួចរាល់ ទាំងសម្រាប់គោលដៅជីវិតដែលបានគ្រោងទុក ក៏ដូចជាតម្រូវការហិរញ្ញវត្ថុនានាដែលកើតឡើងជាយថាហេតុ។ 

ក្នុងនោះរួមមាន កញ្ចប់ធានារ៉ាប់រងអាយុជីវិតដែលមានទំហំការពាររហូតដល់ 10,000 ដុល្លារអាមេរិក ដែលផ្តល់នូវភាពកក់ក្តៅយ៉ាងពិតប្រាកដដល់បុគ្គលិក និងក្រុមគ្រួសាររបស់ពួកគេ។ បន្ថែមលើនេះ បុគ្គលិកក៏អាចស្នើសុំកម្ចីឌីជីថលបានភ្លាមៗរហូតដល់ 5,000 ដុល្លារអាមេរិក ដែលជាដំណោះស្រាយហិរញ្ញវត្ថុដ៏រហ័ស និងងាយស្រួលបំផុត មិនថាសម្រាប់ប្រើប្រាស់ក្នុងគ្រាអាសន្ន ឬដើម្បីចាប់យកឱកាសផ្សេងៗក្នុងជីវិតឡើយ។ 

លោក សុខ ឡេង នាយកសេវាបើកប្រាក់បៀវត្ស និងធនាគារសាជីវកម្ម នៃធនាគារ វីង បានគូសបញ្ជាក់ថា៖ «លើសពីការទូទាត់ប្រាក់បៀវត្ស ការគ្រប់គ្រងប្រាក់បៀវត្សគឺជាយុទ្ធសាស្ត្រដ៏សំខាន់ក្នុងការផ្តល់ភាពជឿជាក់ និងសន្តិសុខហិរញ្ញវត្ថុដល់បុគ្គលិក។ វាក៏ជួយឱ្យនិយោជកកសាងវប្បធម៌ការងារប្រកបដោយការយកចិត្តទុកដាក់ខ្ពស់ ដែលធ្វើឱ្យបុគ្គលិកមានអារម្មណ៍កក់ក្តៅ។ កាលណាប្រព័ន្ធប្រាក់បៀវត្សនាំមកនូវតម្លៃបន្ថែមដ៏ពិតប្រាកដ នោះ ទាំងនិយោជក និងបុគ្គលិក សុទ្ធតែទទួលបានជោគជ័យរួមគ្នា។​»

គន្លឹះបង្កើនសេចក្តីពេញចិត្ត និងការរក្សាបុគ្គលិកឆ្នើម 

ទោះបីជាប្រាក់បៀវត្សដែលមានភាពប្រកួតប្រជែងនៅតែជាកត្តាសំខាន់ ប៉ុន្តែបុគ្គលិកនាពេលបច្ចុប្បន្នផ្តល់តម្លៃកាន់តែខ្លាំងលើស្ថាប័នណាដែលវិនិយោគលើសុខមាលភាពគ្រប់ជ្រុងជ្រោយរបស់ពួកគេ។ ការគាំទ្រផ្នែកហិរញ្ញវត្ថុ បូករួមនឹងឱកាសរីកចម្រើនក្នុងអាជីព ភាពជាអ្នកដឹកនាំដែលផ្តល់ការជ្រោមជ្រែង និងវប្បធម៌ការងារវិជ្ជមាន គឺជាកត្តាគន្លឹះក្នុងការរឹតចំណងភក្តីភាព និងលើកកម្ពស់តម្លៃស្នូលដែលស្ថាប័នផ្ដល់ជូនដល់បុគ្គលិកឱ្យកាន់តែមានភាពទាក់ទាញ។ 

ការផ្ដល់អត្ថប្រយោជន៍ហិរញ្ញវត្ថុបន្ថែមតាមរយៈសេវាប្រាក់បៀវត្ស គឺជាសក្ខីភាពនៃការយកចិត្តទុកដាក់ខ្ពស់ចំពោះបុគ្គលិក ដែលជួយកសាងទំនាក់ទំនងកាន់តែរឹងមាំ និងបង្កើនភក្តីភាពនៅក្នុងអង្គភាព។ ទន្ទឹមនឹងនេះ វាក៏ជាយុទ្ធសាស្ត្រដ៏មានប្រសិទ្ធភាពក្នុងការរក្សាបុគ្គលិកមានសមត្ថភាព និងទាក់ទាញមនុស្សពូកែៗឱ្យបន្តការងារ ជាមួយស្ថាប័នឱ្យកាន់តែយូរអង្វែង។ 

ការយកចិត្តទុកដាក់លើបុគ្គលិក និងប្រសិទ្ធភាពនៃប្រតិបត្តិការ គឺជាអ្វីដែលត្រូវដើរទន្ទឹមគ្នា។ ជាមួយ Wing Biz+ និង iBanking របស់ធនាគារ វីង អាជីវកម្មគ្រប់ទំហំអាចគ្រប់គ្រងការបើកប្រាក់បៀវត្ស និងត្រួតពិនិត្យរបាយការណ៍បានយ៉ាងរហ័ស ដែលជួយឱ្យកិច្ចការរដ្ឋបាលកាន់តែមានភាពងាយស្រួល មានសុវត្ថិភាព និងត្រឹមត្រូវស្របតាមស្ដង់ដា។

ក្នុងនាមជាដៃគូដែលទទួលបានការទុកចិត្តពីជិត 1,000 ក្រុមហ៊ុន ធនាគារ វីង ផ្តល់ជូននូវសេវាបើកប្រាក់បៀវត្សដ៏មានសុវត្ថិភាព និងប្រសិទ្ធភាពខ្ពស់។ តាមរយៈការធ្វើឱ្យកិច្ចការរដ្ឋបាលមានភាពសាមញ្ញ និងការបង្កើនតម្លៃបន្ថែមផ្នែកហិរញ្ញវត្ថុដល់បុគ្គលិក យើងបានប្រែក្លាយការបើកប្រាក់បៀវត្សពីការងារការិយាល័យទូទៅ ទៅជាការវិនិយោគជាយុទ្ធសាស្ត្រលើបុគ្គលិក ដែលជាទ្រព្យសម្បត្តិដ៏មានតម្លៃបំផុតរបស់ក្រុមហ៊ុន។ 

ក្រៅពីការចាត់ចែងបើកប្រាក់បៀវត្ស ក្រុមហ៊ុនក៏នឹងទទួលបានអត្ថប្រយោជន៍ហិរញ្ញវត្ថុដ៏ទាក់ទាញជាច្រើនទៀត រួមមាន៖ ការទទួលបានអត្រាការប្រាក់រហូតដល់ 3% ក្នុងមួយឆ្នាំ លើសមតុល្យសាច់ប្រាក់ក្នុងគណនីប្រតិបត្តិការអាជីវកម្ម។ បន្ថែមលើនេះ ក្រុមហ៊ុនក៏អាចប្រើប្រាស់សេវាកម្ចីសម្រាប់បើកប្រាក់បៀវត្ស ដែលមានទំហំរហូតដល់ 200,000 ដុល្លារអាមេរិក ដើម្បីជួយជ្រោមជ្រែងដល់ទុនបង្វិលរយៈពេលខ្លី ឬដោះស្រាយតម្រូវការហិរញ្ញវត្ថុបន្ទាន់នានាក្នុងអាជីវកម្មផងដែរ។

សូមផ្តល់ជូនបុគ្គលិកលោកអ្នកនូវអត្ថប្រយោជន៍ដែលពិសេសលើសពីប្រាក់ខែ ជាមួយនឹងសេវាកម្មបើកប្រាក់បៀវត្សរបស់ធនាគារ វីង ក្រុមហ៊ុននានាអាចផ្តល់ជូនបុគ្គលិកនូវការធានារ៉ាប់រងអាយុជីវិតរហូតដល់ 10,000 ដុល្លារអាមេរិក ព្រមទាំងស្នើកម្ចីឌីជីថលរហូតដល់ 5,000 ដុល្លារអាមេរិក ដែលជួយកសាងទំនុកចិត្តហិរញ្ញវត្ថុរបស់ពួកគេឱ្យកាន់តែរឹងមាំ មិនថាមុន ឬក្រោយថ្ងៃបើកប្រាក់ខែនោះទេ។ 

ដើម្បីស្វែងយល់បន្ថែមអំពី ដំណោះស្រាយបើកប្រាក់បៀវត្សដ៏សមស្របបំផុត សម្រាប់អាជីវកម្មលោកអ្នក ជាមួយធនាគារ វីង សូមទំនាក់ទំនងមកកាន់លេខទូរសព្ទ 023 999 989 ចូលទៅកាន់គេហទំព័រ Wing Corporate Payroll service page ឬអញ្ជើញមកកាន់សាខាធនាគារ វីង ដែលនៅជិតលោកអ្នកបំផុត។