វគ្គ៣៦៖ គ្រប់គ្រងការនាំចូល-នាំចេញឱ្យរលូន ចាប់ផ្តើមពីការរៀបចំហិរញ្ញវត្ថុឱ្យត្រឹមត្រូវ

ចរាចរណ៍ពាណិជ្ជកម្មរបស់កម្ពុជា កំពុងមានការកើនឡើងគួរឱ្យកត់សម្គាល់។ ជាក់ស្តែង កំពង់ផែស្វយ័តក្រុងព្រះសីហនុ ទទួលបានកុងតឺន័រជិត ១,៣៥ លាន TEUs ក្នុងឆ្នាំ២០២៥ ដែលកើនឡើង ៣០,៦% ធៀបនឹងឆ្នាំមុន ខណៈកំពង់ផែស្វយ័តភ្នំពេញទទួលបានជាង ៦០ ម៉ឺន TEUs ដែលកើនឡើង ២៥%។ តួលេខទាំងនេះបង្ហាញយ៉ាងច្បាស់ពីទំហំទំនិញដែលកំពុងចរាចរណ៍កាន់តែច្រើនឡើងឆ្លងកាត់កំពង់ផែធំៗទាំងពីររបស់កម្ពុជា។ 

ការកើនឡើងនៃចរាចរណ៍កុងតឺន័រ ក៏មានន័យថា ប្រតិបត្តិការនាំចូល និងនាំចេញកាន់តែច្រើន ត្រូវឆ្លងកាត់នីតិវិធីគយ។ យ៉ាងណាមិញ ដំណើរការគយរបស់ទំនិញនីមួយៗ អាចខុសគ្នា។ ប្រតិវេទន៍គយមួយ អាចត្រូវបានចាត់ចូល ច្រកបៃតង (Green Route) ដែលតម្រូវឱ្យមានការត្រួតពិនិត្យតិចជាង ខណៈប្រតិវេទន៍មួយផ្សេងទៀត អាចចូល ច្រកលឿង (Yellow Route) ដែលត្រូវការត្រួតពិនិត្យឯកសារបន្ថែម មុននីតិវិធីអាចបន្តទៅមុខបាន។ 

សម្រាប់ក្រុមហ៊ុននាំចេញ និងនាំចូល រាល់ការដឹកជញ្ជូនអាចឆ្លងកាត់នីតិវិធីគយខុសៗគ្នា។ ប៉ុន្តែ នៅពេលដែលកាតព្វកិច្ចបង់ពន្ធគយចូលមកដល់ អាជីវកម្មនៅតែត្រូវសម្រេចចិត្តថា តើគួរប្រើប្រាស់សាច់ប្រាក់របស់ខ្លួនផ្ទាល់ ឬស្វែងរកប្រភពហិរញ្ញប្បទានផ្សេង ដើម្បីធ្វើការទូទាត់។ 

ទំនិញក្នុងគន្លងពណ៌បៃតង អាចដំណើរបានលឿន 

ជាទូទៅ លទ្ធផលពណ៌បៃតង មានន័យថាមិនសូវមានការត្រួតពិនិត្យច្រើនទេ នៅក្នុងដំណាក់កាលគយនេះ។ សម្រាប់អាជីវកម្មដែលរៀបចំការដឹកជញ្ជូនអន្តរជាតិ នេះអាចជួយកាត់បន្ថយភាពស្មុគស្មាញមុនពេលប្រតិបត្តិការបន្តទៅមុខ និងផ្តល់នូវភាពច្បាស់លាស់ជាងមុន សម្រាប់ការរៀបចំកាលវិភាគដឹកជញ្ជូន និងគ្រប់គ្រងស្តុកទំនិញ។ 

យ៉ាងណាមិញ ការទទួលបានលទ្ធផលពណ៌បៃតង មិនមែនមានន័យថាលុបចោលកាតព្វកិច្ចហិរញ្ញវត្ថុដែលភ្ជាប់មកជាមួយការដឹកជញ្ជូននោះទេ។ ការបង់ពន្ធគយ និងការទូទាត់ស្របច្បាប់ផ្សេងៗ នៅតែត្រូវចាត់ចែងដោះស្រាយដដែល។ 

ទំនិញក្នុងគន្លងពណ៌លឿង ត្រូវការនីតិវិធីបន្ថែម 

លទ្ធផលពណ៌លឿង មានន័យថាទាមទារឱ្យមានការពិនិត្យឯកសារបន្ថែម មុនពេលដំណើរការបញ្ចេញទំនិញពីគយអាចបន្តទៅមុខបាន។ នេះមិនមែនមានន័យថាទំនិញនោះមានបញ្ហានោះទេ គ្រាន់តែវាទាមទារនីតិវិធីបន្ថែមមួយកម្រិតទៀត ដែលអាចប៉ះពាល់ដល់ពេលវេលានៃការដឹកជញ្ជូន។ សម្រាប់អាជីវកម្មដែលដឹកជញ្ជូនទំនិញអន្តរជាតិជាប្រចាំ នីតិវិធីបន្ថែមនេះអាចជះឥទ្ធិពលដល់ពេលវេលាដែលពួកគេត្រូវទូទាត់ប្រាក់ និងតម្រូវការផ្សេងៗទៀតពាក់ព័ន្ធនឹងប្រតិបត្តិការ។ 

ទោះបីជាមាននីតិវិធីគយបន្ថែមយ៉ាងណាក្តី ការសម្រេចចិត្តថាតើត្រូវផ្តល់មូលនិធិសម្រាប់ការបង់ពន្ធគយដោយរបៀបណា គឺនៅតែជាជម្រើសរបស់អាជីវកម្មដដែល។ ការណ៍នេះអនុញ្ញាតឱ្យម្ចាស់អាជីវកម្មអាចបំបែកការសម្រេចចិត្តរឿងហិរញ្ញវត្ថុ ចេញពីនីតិវិធីនៃការត្រួតពិនិត្យគយបាន។ 

ការសម្រេចចិត្តលើការទូទាត់ប្រាក់ នៅតែជារឿងសំខាន់ 

ពន្ធគយ គឺជាការចំណាយមួយក្នុងចំណោមការចំណាយជាច្រើន ដែលអាជីវកម្មត្រូវគ្រប់គ្រង នៅពេលដឹកជញ្ជូនទំនិញឆ្លងកាត់ព្រំដែន។ យ៉ាងណាក្តី ការរៀបចំសាច់ប្រាក់សម្រាប់ការទូទាត់នេះ គឺជាការសម្រេចចិត្តមួយដែលអាជីវកម្មអាចធ្វើបាន ដោយផ្អែកលើស្ថានភាពជាក់ស្តែង និងអាទិភាពរបស់ពួកគេនៅពេលនោះ។ 

ការមានសាច់ប្រាក់គ្រប់គ្រាន់ មិនមែនមានន័យថាអាជីវកម្មត្រូវតែយកលុយនោះទៅបង់ពន្ធគយរហូតនោះទេ។ អាជីវកម្មមួយអាចជ្រើសរើសទូទាត់ជាសាច់ប្រាក់ផ្ទាល់ខ្លួនសម្រាប់ការដឹកជញ្ជូន ហើយពិចារណាប្រើប្រាស់ឥណទានសម្រាប់ការដឹកជញ្ជូនមួយផ្សេងទៀត ដោយអាស្រ័យលើថាតើសាច់ប្រាក់ដែលពួកគេមាន គួរត្រូវយកទៅបង្វិលនៅកន្លែងណាទើបទទួលបានអត្ថប្រយោជន៍ជាងគេ។ ចំណុចនេះហើយ ដែលសេវាហិរញ្ញប្បទានពាណិជ្ជកម្មនាំចេញ នាំចូល ផ្តល់ជាជម្រើសពាណិជ្ជកម្មបន្ថែមដ៏សមស្របបំផុតមួយ។ ដំណោះស្រាយហិរញ្ញវត្ថុនេះ អនុញ្ញាតឱ្យអាជីវកម្មអាចចាត់ចែងការបង់ពន្ធគយដោយបត់បែន ដោយមិនចាំបាច់អនុវត្តវិធីសាស្ត្រតែមួយសម្រាប់គ្រប់ប្រតិបត្តិការនោះទេ។ 

លោក ជា ម៉ារ៉ាត ប្រធាននាយកដ្ឋានអភិវឌ្ឍន៍អាជីវកម្មនៃធនាគារ វីង បានលើកឡើងថា៖ "ការទូទាត់ពាក់ព័ន្ធនឹងគយ គឺជាផ្នែកមួយនៃការធ្វើពាណិជ្ជកម្មអន្តរជាតិ ប៉ុន្តែអាជីវកម្មអាចសម្រេចបានថា តើពួកគេចង់រៀបចំហិរញ្ញប្បទានសម្រាប់ការទូទាត់នោះយ៉ាងដូចម្តេច។ ការមានជម្រើសហិរញ្ញប្បទាន អាចឱ្យអាជីវកម្មជ្រើសរើសថា តើគួរប្រើប្រាស់សាច់ប្រាក់ផ្ទាល់ខ្លួន ឬហិរញ្ញប្បទាន ទៅតាមប្រតិបត្តិការជាក់ស្តែង និងភាពចាំបាច់ក្នុងការប្រើប្រាស់សាច់ប្រាក់។" 

ជម្រើសមួយទៀត សម្រាប់គ្រប់គ្រងការទូទាត់ពន្ធគយ 

សេវាឥណទានសម្រាប់ដៃគូពាណិជ្ជកម្ម របស់អគ្គនាយកដ្ឋានគយនិងរដ្ឋាករកម្ពុជា របស់ធនាគារ វីង ផ្តល់ជូនក្រុមហ៊ុននាំចូល នាំចេញ ក្រុមហ៊ុនភស្តុភារកម្ម និងក្រុមហ៊ុនដឹកជញ្ជូនទំនិញ នូវជម្រើសដ៏ល្អមួយផ្សេងទៀត ក្នុងការគ្រប់គ្រងការទូទាត់ពន្ធគយរបស់ពួកគេបានកាន់តែរលូន។ 

តាមរយៈឥណទានបង្វិលសម្រាប់អាជីវកម្ម អាជីវកម្មដែលមានលក្ខខណ្ឌសមស្រប អាចស្នើឥណទានរហូតដល់ ៥ លានដុល្លារអាមេរិក សម្រាប់កម្ចីមានទ្រព្យធានា ឬរហូតដល់ ៥០០.០០០ ដុល្លារអាមេរិក សម្រាប់កម្ចីគ្មានទ្រព្យធានា។ ឥណទាននេះ មានរយៈពេលរហូតដល់ ១២ ខែ ដែលផ្តល់ឱកាសឱ្យអាជីវកម្មអាចប្រើប្រាស់កម្ចីដើម្បីទូទាត់ពន្ធគយ ជំនួសឱ្យការប្រើប្រាស់សាច់ប្រាក់ផ្ទាល់ខ្លួនទាំងអស់មកទូទាត់។ 

អ្វីដែលកាន់តែពិសេស រាល់ការដកប្រាក់ពីឥណទានវិលជុំសម្រាប់អាជីវកម្ម នឹងទទួលបានការលើកលែងការប្រាក់សម្រាប់រយៈពេល ៧ ថ្ងៃដំបូង ដោយផ្អែកតាមលក្ខណ្ឌនៃប្រូម៉ូសិននេះ។ លើសពីនេះ អាជីវកម្មក៏អាចទទួលបានសេវាលិខិតធានាពីធនាគារ វីង ជូនចំពោះអគ្គនាយកដ្ឋានគយ និងរដ្ឋាករកម្ពុជាផងដែរ ក្នុងទំហំទឹកប្រាក់រហូតដល់ ៥ លានដុល្លារអាមេរិក សម្រាប់ឥណទានមានទ្រព្យធានា និងទទួលបាន ៥០ ម៉ឺនដុល្លារអាមេរិកសម្រាប់ឥណទានគ្មានទ្រព្យធានា។ 

សម្រាប់ក្រុមហ៊ុនដែលកំពុងប្រើប្រាស់សេវាបើកប្រាក់បៀវត្សរបស់ធនាគារ វីង នឹងទទួលបានការលើកលែងកម្រៃសេវាអនុម័ត ០,៥% សម្រាប់ឥណទានបង្វិល និងសេវាលិខិតធានាពីធនាគារនេះ។ អត្ថប្រយោជន៍ទាំងអស់នេះ ផ្តល់ឱ្យអាជីវកម្មនូវជម្រើសហិរញ្ញវត្ថុដ៏សម្បូរបែប ក្នុងការចាត់ចែងកាតព្វកិច្ចបង់ពន្ធគយរបស់ខ្លួនប្រកបដោយភាពឆ្លាតវៃ។ 

ជ្រើសរើសជម្រើសហិរញ្ញវត្ថុដែលស័ក្តិសមនឹងប្រតិបត្តិការអាជីវកម្ម 

មិនមែនរាល់ការដឹកជញ្ជូន សុទ្ធតែឆ្លងកាត់នីតិវិធីគយដូចគ្នានោះទេ ហើយអាជីវកម្មក៏មិនចាំបាច់បង់ពន្ធគយដោយប្រើវិធីសាស្ត្រតែមួយរហូតដែរ។ តម្លៃពិតប្រាកដនៃការមានប្រភពហិរញ្ញប្បទានក្នុងដៃ គឺសមត្ថភាពក្នុងការបត់បែន និងសម្រេចចិត្តទៅតាមប្រតិបត្តិការជាក់ស្តែងថា តើពេលណាគួរប្រើប្រាស់សាច់ប្រាក់ផ្ទាល់ខ្លួន ហើយពេលណាគួរប្រើប្រាស់ជម្រើសហិរញ្ញវត្ថុពីធនាគារ។ 

សម្រាប់ក្រុមហ៊ុននាំចូល នាំចេញ ក្រុមហ៊ុនភស្តុភារកម្ម និងក្រុមហ៊ុនដឹកជញ្ជូន សេវាហិរញ្ញវត្ថុសម្រាប់ប្រតិបត្តិការគយនិងរដ្ឋាកររបស់ធនាគារ វីង គឺជាជម្រើសដ៏ល្អបំផុត ដើម្បីសម្រួលដល់ការទូទាត់ពន្ធគយរបស់លោកអ្នក។ 

ស្នើការណាត់ជួបពិភាក្សាជាមួយអ្នកឯកទេស ផ្នែកសេវាឥណទានសម្រាប់ដៃគូពាណិជ្ជកម្ម របស់អគ្គនាយកដ្ឋានគយនិងរដ្ឋាករកម្ពុជា របស់ធនាគារ វីង តាមរយៈ៖ https://bit.ly/4znwOI0 

ស្វែងយល់បន្ថែមអំពីសេវាហិរញ្ញវត្ថុគយនិងរដ្ឋាករ ដែលស័ក្តិសមបំផុតសម្រាប់អាជីវកម្មរបស់លោកអ្នក។ សម្រាប់ព័ត៌មានបន្ថែម សូមអញ្ជើញមកកាន់សាខាធនាគារ វីង ណាមួយដែលនៅជិតលោកអ្នក ឬទាក់ទងមកកាន់លេខ 023 999 989 ឬចូលទៅកាន់​៖ ទម្រង់ស្នើសុំព័ត៌មាន GDCE