ធនាគារ វីង និង ក្រុមហ៊ុន អ៊ីនហ្វីនីធី ជេនណេរល អិនសូរិន ចុះហត្ថលេខាលើកិច្ចព្រមព្រៀងភាពជាដៃគូយុទ្ធសាស្រ្ត 2.0

រាជធានីភ្នំពេញ ថ្ងៃទី30 ខែតុលា ឆ្នាំ2026៖ ធនាគារ វីង (ខេមបូឌា) ម.ក និងក្រុមហ៊ុន អ៊ីនហ្វីនីធី ជេនណេរល អិនសូរិន ភីអិលស៊ី បានផ្តល់ការធានារ៉ាប់រងលើផលប័ត្រឥណទាន ដែលមានទំហំទឹកប្រាក់ជាង 100 លានដុល្លារអាមេរិក ជូនដល់អតិថិជនចំនួន 15,000 នាក់ គិតត្រឹមខែតុលា ឆ្នាំ2026នេះ។ ស្ថាប័នទាំងពីរក៏បានបង្ហាញពីសន្ទុះកំណើនរួមគ្នាយ៉ាងរឹងមាំក្នុងឆ្នាំ២០២៦ ដោយទំហំផលប័ត្រកើនឡើងជាង 500% បើធៀបនឹងរយៈពេលដូចគ្នាកាលពីឆ្នាំមុន។ 

តាមរយៈភាពជាដៃគូនេះ អតិថិជនទូទៅ គ្រួសារ និង អាជីវកម្មនានា អាចទទួលបានសេវាធានារ៉ាប់រងទូទៅរបស់ អ៊ីនហ្វីនីធី យ៉ាងងាយស្រួលតាមរយៈបណ្តាសាខារបស់ធនាគារ វីង ដែលសេវាកម្មទាំងនោះរួមមាន៖ ធានារ៉ាប់រងគ្រោះថ្នាក់បុគ្គល ម៉ូតូ រថយន្តឯកជន យានយន្តសម្រាប់ធ្វើអាជីវកម្ម និងធានារ៉ាប់រងអគ្គិភ័យ។ 

ឥឡូវនេះ អតិថិជនដែលអញ្ជើញមកទទួលសេវាធនាគារប្រចាំថ្ងៃនៅតាមសាខាធនាគារ វីង អាចរៀបចំការការពារ និងទិញធានារ៉ាប់រងសម្រាប់ម៉ូតូ រថយន្ត ទីតាំងអាជីវកម្ម ឬសម្រាប់ក្រុមគ្រួសាររបស់ពួកគេ បាននៅកន្លែងតែមួយយ៉ាងងាយស្រួលបំផុត។ 

យោងតាម​របាយការណ៍ស្តីពីស្ថានភាពស្ថិរភាពហិរញ្ញវត្ថុឆ្នាំ២០២៥ របស់ធនាគារជាតិនៃកម្ពុជា បានបង្ហាញឱ្យដឹងថា បុព្វលាភធានារ៉ាប់រងទូទៅនៅកម្ពុជាមានទំហំរហូតដល់ 166.1 លានដុល្លារអាមេរិក កាលពីឆ្នាំ2025 ដែលជាកំណើន 6% បើធៀបនឹងឆ្នាំមុន។ 

លោកបណ្ឌិត ឌីមីត្រូ ខូលេកកូ អគ្គនាយកធនាគារ វីង បានលើកឡើងថា៖ “តាមរយៈភាពជាដៃគូជាមួយក្រុមហ៊ុន អ៊ីនហ្វីនីធី ជេនណេរល អិនសូរិន យើងមានគោលបំណងផ្តល់ជូនអតិថិជននូវជម្រើសធានារ៉ាប់រងទូទៅដែលសមស្របបំផុតទៅតាមតម្រូវការរបស់ពួកគាត់។ យើងមានមោទនភាពដែលអាចផ្តល់ជូនផលិតផលធានារ៉ាប់រងដែលស័ក្តិសមនឹងតម្រូវការរបស់អតិថិជន ខណៈដែលអត្រាទូទាត់សំណងបច្ចុប្បន្នសម្រេចបាន 100%។” 

ក្នុងឱកាស​នោះ លោក តិក ស៊ូទៀង នាយកប្រតិបត្តិនៃក្រុមហ៊ុន អ៊ីនហ្វីនីធី ជេនណេរល អិនសូរិន បានលើកឡើងផងដែរថា៖ "តាមរយៈការចាប់ដៃគូជាមួយធនាគារ វីង យើងអាចជួយឱ្យអតិថិជនកាន់តែច្រើន បានយល់ដឹងពីជម្រើសធានារ៉ាប់រងផ្សេងៗ ដែលមានសម្រាប់ការពារគ្រួសារ ទ្រព្យសម្បត្តិ និងអាជីវកម្មរបស់ពួកគាត់។" 

សូមការពារអ្វីដែលសំខាន់បំផុតសម្រាប់អ្នក ជាមួយនឹងដំណោះស្រាយពីក្រុមហ៊ុន អ៊ីនហ្វីនីធី ជេនណេរល អិនសូរិន នៅថ្ងៃនេះ។ លោកអ្នកអាចស្វែងយល់បន្ថែមពីជម្រើសធានារ៉ាប់រងសម្រាប់ការការពារផ្ទាល់ខ្លួន ក្រុមគ្រួសារ ឬអាជីវកម្ម បាននៅតាមបណ្តាញសាខាធនាគារ វីង ទូទាំងប្រទេសកម្ពុជា ឬទាក់ទងមកកាន់លេខ 023 999 989 ដើម្បីទទួលបានព័ត៌មានលម្អិត និងប្រឹក្សាយោបល់ផ្សេងៗ៕