ធនាគារ វីង ដាក់ឱ្យប្រើកាតវីសា ខសស្ទឹមម៉ាយ ផ្តល់ជូនបទពិសោធន៍ចាយវាយបែបជាខ្លួនឯង និងមានសុវត្ថិភាពទូទាំងពិភពលោក

ធនាគារ វីង បានដាក់ឱ្យប្រើប្រភេទកាតថ្មីជាផ្លូវការគឺ វីសា ខសស្ទឹមម៉ាយកាត ជាប្រភេទដេប៊ីត និងក្រេឌីត ដែលអនុញ្ញាតឱ្យអតិថិជនអាចរចនាកាតផ្ទាល់ខ្លួនជាមួយរូបភាពដែលខ្លួនជ្រើសរើស ខណៈពេលទទួលបានការទូទាត់ប្រាក់ដែលមានសុវត្ថិភាព និងអាចប្រើប្រាស់បានទូទាំងពិភពលោកដែលទទួលទូទាត់តាមកាតវីសា។ ផលិតផលថ្មីនេះ បានបញ្ចូលគ្នារវាងភាពជាខ្លួនឯង ជាមួយបច្ចេកវិទ្យាសុវត្ថិភាពកម្រិតខ្ពស់ និងការទទួលស្គាល់ជាសកលរបស់វីសា។

អតិថិជនអាចព្រីនរូបភាពរបស់ខ្លួនឯងផ្ទាល់ដែលមានដូចជា៖ រូបថតផ្ទាល់ខ្លួន រូបគ្រួសារ ទេសភាព ឬសត្វចិញ្ចឹម ជាដើម។ រូបភាពត្រូវដាក់ស្នើជាទ្រង់ទ្រាយផ្តេក (Horizontal) ជាមួយទំហំរូបភាពគុណភាពចាប់ពី 4000 x 3000 ភីកសែល និងទំហំឯកសារចន្លោះពី 3MB ដល់ 5MB។ សម្រាប់ប្រភេទរូបភាព លោកអ្នកអាចដាក់បានដូចជា៖ JPG, PNG, SVG, TIFF, BMP, JPEG, JPE, JIF និង JFIF។ គ្រប់រូបភាពទាំងអស់នឹងត្រូវបានពិនិត្យ និងអនុម័តជាមុនសិន មុនពេលព្រីន។

កាតវីសា ខសស្ទឹមម៉ាយ ដេប៊ីត មានថ្លៃបោះពុម្ព USD 5 និងថ្លៃប្រចាំឆ្នាំ USD 6។ ម្ចាស់កាតអាចដកប្រាក់ដោយឥតគិតថ្លៃនៅម៉ាស៊ីន ATM របស់ធនាគារ វីង ទូទាំងប្រទេស និងអាចចំណាយប្រចាំថ្ងៃរហូតដល់ USD 5,000។

សម្រាប់អតិថិជនដែលចង់បានអត្ថប្រយោជន៍បន្ថែម កាតវីសា ខសស្ទឹមម៉ាយ ក្រេឌីត លោកអ្នកអាចមានជម្រើស Gold និង Platinum។ ទាំងពីរប្រភេទមានថ្លៃបោះពុម្ព USD 5 ដូចគ្នា ខណៈដែលថ្លៃប្រចាំឆ្នាំសម្រាប់ Gold គឺ USD 50 និង Platinum គឺ USD 250។ ម្ចាស់កាតក្រេឌីតអាចរីករាយជាមួយអត្ថប្រយោជន៍ពិសេស រួមមានការធានារ៉ាប់រងការធ្វើដំណើររហូតដល់ 1 លានដុល្លារ សិទ្ធិចូលប្រើប្រាស់ឡោនជ៍ព្រលានយន្តហោះ សម្រាប់ប្រភេទដែលមានសិទ្ធិ រយៈពេលបង់សងដោយគ្មានការប្រាក់រហូតដល់ 55 ថ្ងៃ និងអាចដកប្រាក់ជាមុនរហូតដល់ 50% នៃទំហំឥណទានដែលបានអនុម័តជូន។

កាតវីសា ដេប៊ីត អាចស្នើបានសម្រាប់អតិថិជនដែលបានបំពេញ Full KYC មានអាយុចាប់ពី 18 ឆ្នាំឡើងទៅ។ កាតវីសា ក្រេឌីត ផ្តល់ជូនជម្រើសមានបញ្ចាំ និងគ្មានបញ្ចាំ អាស្រ័យលើលក្ខខណ្ឌប្រាក់ចំណូល ឬទ្រព្យធានា។ អតិថិជនអាចដាក់ពាក្យភ្លាមៗតាមអេប Wing Bank ឬអញ្ជើញទៅកាន់សាខាធនាគារ វីង ណាមួយ ដែលនៅជិត។

តាមរយៈកាតថ្មីនេះ ធនាគារ វីង បន្តពង្រឹងផលប័ត្រវីសារបស់ខ្លួន ដោយផ្តល់ជូនដំណោះស្រាយហិរញ្ញវត្ថុច្នៃប្រឌិត មានសុវត្ថិភាព និងផ្តោតលើអតិថិជន សមស្របតាមរបៀបរស់នៅសម័យថ្មី។

អំពីការប្រើប្រាស់រូបភាព