សេចក្តីជូនដំណឹងស្តីពីការបិទគណនីធនាគារ វីង

សូមគោរពជូនអតិថិជនជាទីគោរព, 

ដើម្បីបន្តរក្សាប្រព័ន្ធធនាគារឱ្យមានសុវត្ថិភាព ភាពត្រឹមត្រូវ និងបច្ចុប្បន្នភាពព័ត៌មាន ធនាគារ វីង នឹងចាប់ផ្តើមបិទគណនីមួយចំនួនដែលស្ថិតក្នុងលក្ខខណ្ឌណាមួយខាងក្រោម៖ 

គណនីដែលមិនមានប្រតិបត្តិការលើសពី 12 ខែ ដោយមិនគិតពីសមតុល្យទឹកប្រាក់ក្នុងគណនី។ 

គណនីដែលបច្ចុប្បន្នស្ថិតក្នុងស្ថានភាព ផ្អាកការប្រើប្រាស់ ដោយមិនគិតពីសមតុល្យទឹកប្រាក់ក្នុងគណនី។ 

គណនីដែលស្ថិតក្នុងលក្ខខណ្ឌណាមួយខាងលើ អាចត្រូវបានកំណត់សម្រាប់ការបិទ ជាផ្នែកមួយនៃដំណើរការថែទាំគណនី និងការអនុវត្តតាមបទប្បញ្ញត្តិរបស់ធនាគារ វីង ដែលនឹងចាប់ផ្តើមពី ថ្ងៃទី 17 ខែកញ្ញា ឆ្នាំ2026។ 

ប្រសិនបើលោកអ្នកនៅតែមានបំណងប្រើប្រាស់សេវាកម្មរបស់ធនាគារ វីង លោកអ្នកអាចបន្តប្រើគណនីដែលកំពុងដំណើរការ ឬបើកគណនីធនាគារ វីង ថ្មី បានគ្រប់ពេលតាមរយៈ អេប Wing Bank ឬអញ្ជើញទៅកាន់ ភ្នាក់ងារ វីង ឬ សាខាធនាគារ វីង ដែលនៅជិតលោកអ្នកបំផុត។ 

សូមអរគុណចំពោះការប្រើប្រាស់សេវាកម្មរបស់ធនាគារ វីង។ យើងខ្ញុំនៅតែប្តេជ្ញាផ្តល់សេវាកម្មធនាគារដែលងាយស្រួលប្រើប្រាស់ មានសុវត្ថិភាព និងភាពងាយស្រួលជូនអតិថិជនគ្រប់រូប។