ខណៈដែលការរីកចម្រើននៃវិស័យហិរញ្ញវត្ថុនាពេលបច្ចុប្បន្ន ត្រូវបានវាស់វែងតាមរយៈល្បឿន និងទំហំអាជីវកម្ម មានការចោទសួរថាតើ វិធីសាស្ត្រដើម្បីសម្រេចបាននូវកំណើននោះដោយរបៀបណា កាន់តែជារឿងសំខាន់មិនអាចខ្វះបាន។ ជាក់ស្តែងសម្រាប់ធនាគារ វីង ការពង្រីកវិសាលភាពមិនមែនធ្វើឡើងត្រឹមតែដើម្បីសម្រេចគោលដៅនោះទេ។ ធនាគារខ្មែរមួយនេះបានជឿជាក់ថា ភាពរីកចម្រើនពិតប្រាកដត្រូវតែដើរទន្ទឹមគ្នានឹងការទទួលខុសត្រូវខ្ពស់ចំពោះអតិថិជន ចំពោះសុវត្ថិភាព និងចំពោះស្តង់ដារការពារនានា ស្របពេលដែលសេវាធនាគារឌីជីថលកំពុងដើរតួយ៉ាងសំខាន់ និងកាន់តែទូលំទូលាយនៅក្នុងសង្គមបច្ចុប្បន្ន។

ធនាគារ វីង បានតម្រង់ទិសដៅកំណើនរបស់ខ្លួននៅក្នុងសេដ្ឋកិច្ចឌីជីថលកម្ពុជាដែលកំពុងរីកចម្រើន តាមរយៈការសម្រេចចិត្តយ៉ាងយកចិត្តទុកដាក់ ដើម្បីកំណត់ពីរបៀបដែលសេវាកម្មរបស់ខ្លួនត្រូវបានរៀបចំ ផ្តល់ជូន និងធានាសុវត្ថិភាព។ ការអនុវប្រកបដោយភាពហ្មត់ចត់នេះ ទទួលបានការទទួលស្គាល់ជាបន្តបន្ទាប់ពីស្ថាប័នអន្តរជាតិឯករាជ្យ ដែលឆ្លុះបញ្ចាំងពីគំរូនៃការពង្រីកខ្លួនរបស់ស្ថាប័នមួយដែលរក្សាបាននូវតុល្យភាពរវាងការច្នៃប្រឌិតថ្មី និងគណនេយ្យភាព។ សក្ខីភាពគួរឱ្យកត់សម្គាល់មួយ គឺការទទួលបានវិញ្ញាបនបត្រកម្រិតមាស សម្រាប់ការការពារអតិថិជន  ពីស្ថាប័នវាយតម្លៃអន្តរជាតិ MFR ដែលបញ្ជាក់ពីការអនុលោមភាពពេញលេញ ១០០% ស្របតាមការអនុវត្តស្តង់ដារសកលក្នុងការពារអតិថិជន។ វិញ្ញាបនបត្រនេះមិនត្រឹមតែបង្ហាញពីគោលការណ៍ដ៏រឹងមាំប៉ុណ្ណោះទេ តែថែមទាំងបានឆ្លុះបញ្ចាំងពីការអនុវត្តជាប្រចាំ ដែលធានាបាននូវតម្លាភាព ភាពយុត្តិធម៌ ការផ្តល់ជូននូវផលិតផលសមស្រប ក៏ដូចជាការយកចិត្តទុកដាក់អតិថិជនប្រកបដោយប្រសិទ្ធភាព ដែលការខិតខំទាំងនេះបានដាក់បញ្ចូលនៅក្នុងប្រតិបត្តិការប្រចាំថ្ងៃរបស់ធនាគារ វីង ផងដែរ។

ការទទួលខុសត្រូវខ្ពស់ ទាមទារឱ្យមានការកសាងប្រព័ន្ធដ៏រឹងមាំ។ ស្របពេលដែលប្រតិបត្តិការឌីជីថល ក្លាយជាផ្នែកមួយនៃការរស់នៅប្រចាំថ្ងៃសម្រាប់អតិថិជនរាប់លាននាក់ ការការពារទិន្នន័យសំខាន់ៗ គឺជាផ្នែកមួយដែលមិនអាចកាត់ផ្តាច់ពីការកសាងទំនុកចិត្តបានឡើយ។ ធនាគារ វីង បានបំពេញការទទួលខុសត្រូវនេះ តាមរយៈការអនុលោមតាមស្តង់ដារវិញ្ញាបនបត្រសកល PCI DSS v4.0.1 ដែលជាស្តង់ដារអន្តរជាតិកម្រិតខ្ពស់បំផុតសម្រាប់ការការពារសុវត្ថិភាពនៃការទូទាត់ ដែលបង្ហាញពីក្របខណ្ឌដ៏រឹងមាំមួយ ត្រូវបានរៀបចំឡើងដើម្បីការពារព័ត៌មានអតិថិជន ស្របពេលដែលការធ្វើប្រតិបត្តិការហិរញ្ញវត្ថុនៅធនាគារ វីង មានកំណើនគួរឱ្យកត់សម្គាល់។ ។ មូលដ្ឋានគ្រឹះបច្ចេកទេសដ៏រឹងមាំនេះ ត្រូវបានពង្រឹងបន្ថែមដោយការគ្រប់គ្រងហានិភ័យឌីជីថលយ៉ាងសកម្ម តាមរយៈប្រព័ន្ធ BrandShield និងយុទ្ធនាការផ្សព្វផ្សាយពីការឆបោកជាបន្តបន្ទាប់ផងដែរ។

សម្រាប់អតិថិជន វិធានការទាំងនេះផ្តល់នូវការធានាដោយផ្ទាល់ថា ទិន្នន័យទូទាត់របស់ពួកគេត្រូវបានការពារយ៉ាងមានសុវត្ថិភាពខ្ពស់បំផុត។ សម្រាប់ធនាគារផ្ទាល់ វាបានឆ្លុះបញ្ចាំងពីគោលការណ៍ប្រតិបត្តិការដ៏ទូលំទូលាយមួយ ដែលកំណើនអាជីវកម្មត្រូវតែគាំទ្រដោយប្រព័ន្ធប្រតិបត្តិការដ៏រឹងមាំ ហើយអាចធានាបាននូវសុវត្ថិភាពខ្ពស់។ ក្នុងនោះលោក ហោ ប៊ុនថែ អគ្គនាយករងនៃធនាគារ វីង ក៏បានលើកឡើងផងដែរថា៖ “អតិថិជនរបស់យើង អាចជឿជាក់បានទាំងស្រុងថា ទិន្នន័យរបស់ពួកគាត់ត្រូវបានការពារយ៉ាងហ្មត់ចត់ ដោយស្តង់ដារសុវត្ថិភាពកម្រិតពិភពលោក។”

ដូចគ្នាទៅនឹងគោលគំនិតនេះ ក៏បង្ហាញយ៉ាងច្បាស់នៅក្នុងវិធីសាស្ត្រដែល វីង បង្កើតការច្នៃប្រឌិតថ្មីៗផងដែរ។ ជាជាងការនាំយកបច្ចេកវិទ្យាមកប្រើប្រាស់ត្រឹមតែដើម្បីភាពទំនើប វីង បានងាកមកផ្តោតលើដំណោះស្រាយ ដែលអាចឆ្លើយតបទៅនឹងតម្រូវការហិរញ្ញវត្ថុពិតប្រាកដ។ តួយ៉ាង កម្ចីឌីជីថល ត្រូវបានទទួលស្គាល់នៅឆាកអន្តរជាតិ ចំពោះការផ្តល់ឥណទានរហ័ស និងងាយស្រួល តាមរយៈដំណើរការឌីជីថលទាំងស្រុង ដែលទទួលបានការទុកចិត្តពីអតិថិជន ដោយទទួលបានសំណើកម្ចី ៣,២ លានករណី។ ដូចគ្នានេះដែរ គណនីសន្សំដើម្បីគោលដៅ ក៏ត្រូវបានទទួលស្គាល់ផងដែរ ក្នុងការជួយជំរុញឱ្យមានទម្លាប់កសាងហិរញ្ញវត្ថុដ៏ល្អ ដោយជួយអតិថិជនឱ្យចេះរៀបចំផែនការសម្រាប់គោលដៅក្នុងជីវិត តាមរយៈការសន្សំប្រាក់ដ៏សាមញ្ញ និងមានគោលបំណងច្បាស់លាស់។ ដំណោះស្រាយទាំងនេះបង្ហាញពីទិដ្ឋភាពជាក់ស្តែងនៃការច្នៃប្រឌិតថ្មីៗ ដែលផ្សារភ្ជាប់ភាពងាយស្រួល ទៅនឹងសុខុមាលភាពហិរញ្ញវត្ថុរយៈពេលវែងសម្រាប់ជាប្រយោជន៍ដល់ប្រជាជនក្នុងសហគមន៍។

ការចូលរួមចំណែកដ៏ធំធេងរបស់ធនាគារ វីង នៅក្នុងវិស័យហិរញ្ញវត្ថុកម្ពុជា ក៏ទទួលបានការកោតសរសើរជាសកលផងដែរ។ ការទទួលស្គាល់ពីស្ថាប័ននានា ដូចជា SISA និង The Digital Banker បានឆ្លុះបញ្ចាំងពីកិច្ចខិតខំប្រឹងប្រែងជាបន្តបន្ទាប់ ក្នុងការពង្រីកបរិយាបន្នហិរញ្ញវត្ថុ និងការធ្វើទំនើបកម្មសេវាធនាគារសម្រាប់អតិថិជនទូទៅ ក្នុងរូបភាពមួយដែលសហគមន៍គ្រប់ទិសទីអាចប្រើប្រាស់បាន និងឆ្លើយតបចំតម្រូវការជាក់ស្តែង។ ដោយឡែកសម្រាប់ដំណើរការក្នុងស្ថាប័នវិញ ការយកចិត្តទុកដាក់ខ្ពស់ទៅលើទំនាក់ទំនងអតិថិជន និងគុណភាពសេវាកម្ម ក៏ទទួលបានការទទួលស្គាល់តាមរយៈពានរង្វាន់ Emplifi Awards ដែលបានរំលេចឱ្យឃើញពីបុគ្គលិក និងដំណើរការការងារ អាចធានាបានថាកំណើនឌីជីថល គឺនៅតែរក្សាបាននូវភាពស្និទ្ធស្នាលជាស្នូលជានិច្ច។

ការចូលរួមចំណែកយ៉ាងធំធេងរបស់ធនាគារ វីង ក្នុងវិស័យហិរញ្ញវត្ថុកម្ពុជា ក៏ទទួលបានការកោតសរសើរ និងទទួលស្គាល់នៅលើឆាកអន្តរជាតិផងដែរ។ ពានរង្វាន់កិត្តិយសពីស្ថាប័នកំពូលៗដូចជា SISA និង The Digital Banker គឺជាសក្ខីភាពបញ្ជាក់ពីការខិតខំប្រឹងប្រែងឥតឈប់ឈររបស់ធនាគារ ក្នុងការជំរុញបរិយាបន្នហិរញ្ញវត្ថុ និងទំនើបកម្មសេវាធនាគារសម្រាប់បុគ្គល ឱ្យកាន់តែមានភាពងាយស្រួល និងឆ្លើយតបទៅនឹងតម្រូវការរបស់ប្រជាពលរដ្ឋគ្រប់សហគមន៍។ ម៉្យាងវិញទៀត ការយកចិត្តទុកដាក់ខ្ពស់លើការពង្រឹងទំនាក់ទំនង និងគុណភាពសេវាកម្មអតិថិជន ក៏ត្រូវបានទទួលស្គាល់តាមរយៈពានរង្វាន់ (Emplifi Awards) ដែលគូសបញ្ជាក់ឱ្យឃើញថា រាល់ភាពរីកចម្រើនផ្នែកឌីជីថលរបស់ធនាគារ វីង គឺតែងតែឈរលើមូលដ្ឋាននៃការយកចិត្តទុកដាក់ចំពោះអតិថិជនជាចម្បងជានិច្ច។ លោកបណ្ឌិត ឌីមីត្រូ ខូលេកកូ អគ្គនាយក ធនាគារ វីង បានចាត់ទុកសមិទ្ធផលនេះថា ជាវឌ្ឍនភាពឈានមុខគេរបស់ធនាគារ វីង ក្នុងការ “នាំយកសេវាធនាគារដែលងាយស្រួលប្រើប្រាស់ ជូនដល់ប្រជាជនកម្ពុជាគ្រប់ៗរូប”។

សមិទ្ធផលទាំងនេះ បានឆ្លុះបញ្ចាំងយ៉ាងច្បាស់ពីតម្លៃពិតប្រាកដ ដែលនៅពីក្រោយភាពរីកចម្រើនរបស់ធនាគារ វីង ហើយ ក៏បានបង្ហាញពីវឌ្ឍនភាពដែលត្រូវបានតម្រង់ទិសដោយស្តង់ដារអាជីវកម្មច្បាស់លាស់ អាទិភាពក្នុងការពង្រឹងនិងធានាបាននូវសុវត្ថិភាព ព្រមទាំងទទួលបានការគាំទ្រដោយការវាយតម្លៃពីស្ថាប័នឯករាជ្យ។ ពោលគឺ សមិទ្ធផលទាំងនេះ មិនគ្រាន់តែពង្រីកសេវាឱ្យកាន់តែទូលាយនោះទេ តែយើងក៏បង្កើនការទទួលខុសត្រូវផងដែរ។ មិនមែនត្រឹមតែបង្កើតបច្ចេកវិទ្យាថ្មីៗនោះទេ តែសំខាន់បំផុតគឺអាចទុកចិត្តបាន។ ហើយមិនមែនត្រឹមតែមានគោលដៅធំប៉ុណ្ណោះទេ តែត្រូវអនុវត្តដោយវិន័យច្បាស់លាស់ផងដែរ។

នៅពេលដែលកំណើនដើរទន្ទឹមគ្នានឹងការទទួលខុសត្រូវ ទំនុកចិត្តមិនអាចកសាងឡើងត្រឹមតែពាក្យសម្តីនោះឡើយ។ វាត្រូវបានបង្កើតឡើងតាមរយៈសកម្មភាពជាប្រចាំ និងត្រូវបានបញ្ជាក់យ៉ាងច្បាស់ដោយពេលវេលា៕