ក្នុងនាមជាស្ថាប័នហិរញ្ញវត្ថុពាណិជ្ជកម្មឈានមុខមួយនៅកម្ពុជា ដែលត្រូវបានស្គាល់លើការជំរុញបរិយាបន្នហិរញ្ញវត្ថុឌីជីថល ធនាគារ វីង ធ្វើឱ្យសេវាកម្មទាំងនេះកាន់តែងាយស្រួលសម្រាប់អាជីវកម្មដែលចង់បម្រើអតិថិជនឱ្យបានកាន់តែច្រើន។ ប្រសិនបើអាជីវកម្មលោកអ្នកមិនទាន់អាចគាំទ្រវិធីសាស្ត្រទូទាត់ទាំងនេះបានទេ នោះលោកអ្នកអាចនឹងបាត់បង់ឱកាសលក់ និងអតិថិជនសក្តានុពលដ៏សំខាន់។ ជាមួយ វីង KHQR ម្ចាស់អាជីវកម្មអាចទទួលការទូទាត់ប្រាក់ជាអន្តរជាតិបានតាមរយៈ វីង KHQR តែមួយគត់ និងទទួលបានសាច់ប្រាក់ចូលគណនីជាប្រាក់រៀលដោយផ្ទាល់។ នេះគឺជាវិធីសាស្ត្រដ៏សាមញ្ញ មានសុវត្ថិភាព និងងាយស្រួល ក្នុងការគាំទ្រដល់ការទូទាត់ដោយមិនប្រើសាច់ប្រាក់ កាត់បន្ថយការពឹងផ្អែកលើសាច់ប្រាក់ និងជួយឱ្យអាជីវកម្មនៅកម្ពុជា អាចបម្រើភ្ញៀវអន្តរជាតិបានកាន់តែមានសុវត្ថិភាព។

របៀបដំណើរការ

អតិថិជនគ្រាន់តែស្កេន វីង KHQR របស់លោកអ្នក ដោយប្រើប្រាស់អេបធនាគារ ឬកាបូបលុយឌីជីថលដែលគាំទ្រពីប្រទេសរបស់ពួកគេ។ ប្រតិបត្តិការទូទាត់នឹងត្រូវបានដំណើរការដោយសុវត្ថិភាព ហើយអាជីវកម្មរបស់លោកអ្នកនឹងទទួលបានសាច់ប្រាក់ជាប្រាក់រៀល ចូលទៅក្នុងគណនីពាណិជ្ជករដោយផ្ទាល់។ 

តើសេវាកម្មនេះស័ក្តិសមសម្រាប់នរណា?

វីង KHQR សម្រាប់ការទូទាត់ឆ្លងប្រទេស ស័ក្តិសមសម្រាប់អាជីវកម្មដែលបម្រើសេវាកម្មជាប្រចាំដល់ភ្ញៀវទេសចរ អ្នកធ្វើដំណើរក្នុងតំបន់ និងអតិថិជនអន្តរជាតិ រួមមានដូចជា ហាងលក់ទំនិញ ភោជនីយដ្ឋាន និងហាងកាហ្វេ សណ្ឋាគារ និងអាជីវកម្មបដិសណ្ឋារកិច្ច ហាងលក់ទំនិញងាយស្រួល និងបណ្ដាពាណិជ្ជករផ្សេងៗដែលមានអតិថិជនចេញចូលច្រើន។ 

ចាប់ផ្ដើមទទួលយកជម្រើសនៃការទូទាត់កាន់តែច្រើន

ពង្រីកអាជីវកម្មរបស់លោកអ្នក ជាមួយវិធីសាស្ត្រដ៏ងាយស្រួល និងឆ្លាតវៃក្នុងការទទួលការទូទាត់អន្តរជាតិដែលបានជ្រើសរើស តាមរយៈ វីង KHQR។