ធ្វើឱ្យរាល់ទឹកប្រាក់នៃ ប្រតិបត្តិការរបស់អ្នកប្រព្រឹត្តទៅដោយសុវត្ថិភាព រលូន និងមិនមានក្តីបារម្ភទៀតឡើយ ជាមួយសេវារក្សាទុក​ ឬ សេវាសុវត្ថិភាពរបស់ធនាគារ វីង។ ក្នុងនាមជាអន្តរការី (ភាគីទីបី) ដែលផ្តល់នូវភាពជឿជាក់ យើងគ្រប់គ្រងមូលនិធិ ឬសាច់ប្រាក់រវាងអ្នកទិញ និងអ្នកលក់ដោយធានាបាននូវសុវត្ថិភាព ការពារភាគីទាំងសងខាង បញ្ចៀសហានិភ័យ និងកសាងទំនុកចិត្ត។ មិនថាអ្នកកំពុងទិញ ឬលក់អចលនទ្រព្យ ទ្រព្យសកម្ម ឬសេវាកម្មផ្សេងៗនោះឡើយ ក្រុមការងារជំនាញរបស់យើងធានាបានថា រាល់ប្រតិបត្តិការអាចដោះស្រាយប្រកបដោយវិជ្ជាជីវៈ និងប្រសិទ្ធភាពខ្ពស់។ 

សេវារក្សាសុវត្ថិភាពរបស់ ធនាគារ វីង ជួយការពារលោកអ្នកបានដោយរបៀបណា? 

ជាមួយសេវារក្សាសុវត្ថិភាព របស់ធនាគារ វីង ប្រតិបត្តិការរបស់អ្នកស្ថិតក្នុងការគ្រប់គ្រងដ៏មានសុវត្ថិភាព៖ 

• ការគ្រប់គ្រងមូលនិធិប្រកបដោយសុវត្ថិភាព៖ ការទូទាត់ត្រូវបានរក្សាទុកយ៉ាងមានសុវត្ថិភាព រហូតដល់ការលក់ ឬការទិញត្រូវបានបញ្ចប់ជាស្ថាពរ។ 
• ការការពារហានិភ័យ៖ កាត់បន្ថយជម្លោះ និងការយល់ច្រឡំរវាងអ្នកទិញ និងអ្នកលក់។  
• ផ្តល់ជំនួយពីអ្នកជំនាញ៖ ក្រុមការងាររបស់យើងនឹងណែនាំអ្នកគ្រប់ជំហាន ដើម្បីធានាបាននូវប្រតិបត្តិការដ៏រលូន និងងាយស្រួល។ 
• ទំនុកចិត្តខ្ពស់៖ ភាគីទាំងពីរអាចជឿជាក់បានថា ប្រតិបត្តិការនឹងត្រូវបញ្ចប់ដោយសុវត្ថិភាព និងយុត្តិធម៌។ 

ប្រភេទនៃសេវារក្សាសុវត្ថិភាព ឬ សេវារក្សាទុក 

ចាប់ផ្តើមប្រើប្រាស់សេវារក្សាសុវត្ថិភាពរបស់ ធនាគារ វីង 

ក្រុមការងាររបស់យើងត្រៀមខ្លួនរួចជាស្រេច ដើម្បីជួយការពារប្រតិបត្តិការរបស់លោកអ្នក។ សូមជ្រើសរើសមធ្យោបាយទំនាក់ទំនងណាមួយដែលងាយស្រួលបំផុតសម្រាប់លោកអ្នក៖ 

• អញ្ជើញទៅ សាខាធនាគារ វីង ណាមួយក៏បាន ដើម្បីជជែកជាមួយក្រុមការងាររបស់យើង 
• ហៅទូរសព្ទមកកាន់សេវាបម្រើអតិថិជនតាមរយៈលេខ 023 999 989 
• ជជែក ឬហៅទូរសព្ទតាមរយៈមុខងារ “ជំនួយ” នៅក្នុងកម្មវិធី Wing Bank App 
• ផ្ញើសារ មកកាន់ទំព័រហ្វេសបុកផ្លូវការរបស់ធនាគារ វីង 

ជាមួយ សេវារក្សាសុវត្ថិភាព របស់ធនាគារ វីង រាល់ប្រតិបត្តិការរបស់លោកអ្នកធានាបាននូវសុវត្ថិភាព វិជ្ជាជីវៈ និងគ្មានភាពស្មុគស្មាញ។ ការពារផលប្រយោជន៍របស់លោកអ្នក និងធានាថាការដោះដូរពាណិជ្ជកម្មប្រព្រឹត្តទៅដោយរលូន និងអាចទុកចិត្តបានគ្រប់ពេលវេលា។