នៅធនាគារ វីង យើងយល់យ៉ាងច្បាស់ថាការនាំទំនិញចេញ-ចូល ទាំងលក្ខណអន្តរជាតិ និងនៅក្នុងប្រទេស គឺជាបេះដូងនៃអាជីវកម្មជាច្រើន។ ទោះបីជាអ្នកកំពុងនាំទំនិញចេញ ឬនាំចេញ ឬក៏គ្រប់គ្រងប្រតិបត្តិការចរន្តពាណិជ្ជកម្មដ៏ស្មុគស្មាញក៏ដោយ ដំណោះស្រាយហិរញ្ញប្បទានពាណិជ្ជកម្មរបស់យើង នឹងផ្តល់នូវសុវត្ថិភាព សាច់ប្រាក់ងាយស្រួល និងទំនុកចិត្តដើម្បីបំពេញតម្រូវការក្នុងដំណើរការអាជីវកម្មប្រកបដោយប្រសិទ្ធភាពរបស់លោកអ្នក ។

យើងផ្តល់ជូននូវគ្រប់សេវាហិរញ្ញប្បទានពាណិជ្ជកម្មដ៏ច្រើនសំបូរបែប ដែលត្រូវបានរចនាឡើងដើម្បីជួយសម្រួលដល់ប្រតិបត្តិការ កាត់បន្ថយហានិភ័យ និងគាំទ្រអាជីវកម្មនៅគ្រប់ទីកន្លែង។

បេឡានិច័យ

បេឡានិច័យ គឺជាសេវាប្រមូលការទូទាត់តាមរយៈឯកសារ ជាដំណោះស្រាយហិរញ្ញប្បទានពាណិជ្ជកម្មដែលធនាគារជួយសម្របសម្រួលក្នុងការចាត់ចែងឯកសារដឹកជញ្ជូន និងឯកសារពាណិជ្ជកម្មរវាងអ្នកនាំចេញ និងអ្នកនាំចូល ដើម្បីជាថ្នូរនឹងការទូទាត់ប្រាក់ ឬការទទួលយល់ព្រមតាមលក្ខខណ្ឌ។ សេវាកម្មនេះអនុញ្ញាតឱ្យអ្នករក្សាការគ្រប់គ្រងលើឯកសារ និងលក្ខខណ្ឌទូទាត់ដែលបានព្រមព្រៀងគ្នា។

សេវាលិខិតឥណទាន 

សេវាលិខិតឥណទាន គឺជាមធ្យោបាយទូទាត់ប្រកបដោយសុវត្ថិភាពដែលចេញដោយធនាគាររបស់អ្នកទិញ ដើម្បីធានាការទូទាត់ជូនអ្នកលក់ នៅពេលដែលមានការអនុវត្តពេញលេញតាមលក្ខខណ្ឌដែលបានព្រមព្រៀង និងការផ្តល់នូវឯកសារដែលតម្រូវ។ សេវាត្រូវបានប្រើប្រាស់យ៉ាងទូលំទូលាយដើម្បីកាត់បន្ថយហានិភ័យក្នុងការទូទាត់ និងការដឹកជញ្ជូនទំនិញ។ ធនាគារ វីង ផ្តល់ជូនទាំងសេវាលិខិតឥណទានសម្រាប់ការនាំចូល និងសេវាផ្តល់ប្រឹក្សាលើលិខិតឥណទានសម្រាប់ការនាំចេញ ដើម្បីផ្តល់ការធានាលើការទូទាត់ ព្រមទាំងការពារផលប្រយោជន៍របស់អ្នកទិញ និងអ្នកលក់ក្នុងពាណិជ្ជកម្មឆ្លងប្រទេស។

សេវាលិខិតធានាពីធនាគារ

សេវាលិខិតធានាពីធនាគារ គឺជាការសន្យាជាលាយលក្ខណ៍អក្សរដែលចេញដោយធនាគារ ដើម្បីធានាដល់អ្នកទទួលផលសម្រាប់ការទូទាត់ ឬការអនុវត្តកិច្ចសន្យា ប្រសិនបើអ្នកស្នើសុំមិនបានបំពេញតាមកាតព្វកិច្ចនៃកិច្ចសន្យា ឬហិរញ្ញវត្ថុ។ យើងផ្តល់ជូននូវដំណោះស្រាយលិខិតធានាជាច្រើនប្រភេទ ដើម្បីគាំទ្រដល់តម្រូវការអាជីវកម្មដូចជា ការអនុវត្តកិច្ចសន្យា ការបង់ប្រាក់មុន ការដេញថ្លៃ និងការប្តេជ្ញាចិត្តពាណិជ្ជកម្មផ្សេងៗទៀត។

សេវាឥណទានសក្ខីបត្រជំនឿទុកចិត្ត

សេវាឥណទានសក្ខីបត្រជំនឿទុកចិត្ត គឺជាកម្ចីហិរញ្ញប្បទានរយៈពេលខ្លីដែលអនុញ្ញាតឱ្យអ្នកនាំចូលអាចដកយកទំនិញទៅប្រើប្រាស់បាន ខណៈពេលដែលធនាគារ វីង នៅតែរក្សាកម្មសិទ្ធិស្របច្បាប់រហូតដល់មានការសងប្រាក់វិញពេញលេញ។ អ្នកនាំចូលអាចលក់ទំនិញក្នុងនាមជាភ្នាក់ងាររបស់ធនាគារ ហើយប្រើប្រាស់ប្រាក់ចំណូលនោះដើម្បីសងកម្ចីបូករួមទាំងការប្រាក់។ តាមរយៈមធ្យោបាយនេះ គឺសាកសមបំផុតសម្រាប់អ្នកនាំចូលដែលត្រូវការដើមទុនបង្វិលដើម្បីចរាចរសន្និធិទំនិញឱ្យមានប្រសិទ្ធភាព។

សេវាឥណទានហិរញ្ញប្បទានតាមរចនាសម្ព័ន្ធពាណិជ្ជកម្ម

សេវាឥណទានហិរញ្ញប្បទានតាមរចនាសម្ព័ន្ធពាណិជ្ជកម្ម គឺជាដំណោះស្រាយដើមទុនបង្វិលរយៈពេលខ្លីដែលផ្អែកលើឯកសារពាណិជ្ជកម្ម។ សេវានេះ ត្រូវបានរចនាឡើងដើម្បីផ្តល់ហិរញ្ញប្បទានដល់ប្រតិបត្តិការនាំចូល ឬនាំចេញជាក់លាក់ណាមួយ ដោយមានផ្តល់ជូនសម្រាប់ទាំងតម្រូវការមុនពេលដឹកជញ្ជូន និងក្រោយពេលដឹកជញ្ជូនទំនិញ។