សេវាលិខិតធានាពីធនាគារ គឺជាការសន្យាជាលាយលក្ខណ៍អក្សររបស់ធនាគារ ដើម្បីធានាដល់អ្នកទទួលផលនូវការទូទាត់ ឬការអនុវត្តកិច្ចសន្យា ក្នុងករណីដែលអ្នកស្នើសុំមិនបានបំពេញតាមកាតព្វកិច្ចកិច្ចសន្យា ឬហិរញ្ញវត្ថុរបស់ខ្លួន។ សេវានេះគឺជាដំណោះស្រាយហិរញ្ញប្បទានពាណិជ្ជកម្មដ៏គួរឱ្យទុកចិត្ត ដែលជួយឱ្យអាជីវកម្មអាចគ្រប់គ្រងហានិភ័យ ធានានូវកិច្ចសន្យា និងបង្កើតទំនុកចិត្តនៅក្នុងប្រតិបត្តិការទាំងក្នុងស្រុក និងឆ្លងប្រទេស។

សេវានេះ គឺជាមធ្យោបាយសម្រាប់ពាណិជ្ជកម្មដ៏មានសារៈសំខាន់ ដែលនឹងជួយឱ្យអាជីវកម្មគ្រប់គ្រងហានិភ័យ ទទួលបានកិច្ចសន្យា និងបង្កើនភាពជឿជាក់លើប្រតិបត្តិការអាជីវកម្មទាំងក្នុងស្រុក និងអន្តរជាតិ។

ប្រភេទសេវាលិខិតធានាពីធនាគារដែលមានផ្តល់ជូន

• ការធានាលើការដេញថ្លៃ/ពិគ្រោះថ្លៃ
• លិខិតធានាការអនុវត្តកិច្ចសន្យា  
• លិខិតធានាការទូទាត់ប្រាក់មុន
• លិខិតធានាលើគុណភាព
• លិខិតធានាលើការទូទាត់  
• លិខិតឥណទានបម្រុង  

អត្ថប្រយោជន៍

• បង្កើនភាពជឿជាក់ និងទំនុកចិត្តក្នុងអាជីវកម្ម
• កាត់បន្ថយហានិភ័យពីដៃគូពាណិជ្ជកម្ម និងហានិភ័យលើការអនុវត្តកិច្ចសន្យា
• ជួយគាំទ្រដល់ការចូលរួមដេញថ្លៃ និងការបំពេញកាតព្វកិច្ចតាមកិច្ចសន្យា
• រក្សាលំហូរសាច់ប្រាក់បានល្អប្រសើរ ធៀបនឹងការប្រើប្រាស់ប្រាក់តម្កល់ ឬការបង់ប្រាក់មុន
• សម្រួលដល់សកម្មភាពពាណិជ្ជកម្មទាំងក្នុងស្រុក និងអន្តរជាតិ

លក្ខណៈពិសេសនៃផលិតផល

• ចេញលិខិតស្របតាមស្តង់ដារដែលទទួលស្គាល់ជាអន្តរជាតិ (ឧ. URDG 758)
• ផ្តល់ជូនសម្រាប់ទាំងប្រតិបត្តិការក្នុងស្រុក និងឆ្លងប្រទេស
• ចំនួនទឹកប្រាក់ធានា និងរយៈពេលមានភាពបត់បែន
• ចេញជូនអ្នកទទួលផលទាំងក្នុងស្រុក ឬជាអន្តរជាតិ

លក្ខខណ្ឌនៃការស្នើសុំ

• ផ្តល់ជូនសម្រាប់អតិថិជនជារូបវន្តបុគ្គល និងសាជីវកម្មដែលមានលក្ខណៈសម្បត្តិគ្រប់គ្រាន់ និងមានគណនីសកម្មជាមួយធនាគារ
• តម្រូវឱ្យមានការអនុម័តឥណទាន និងមានទ្រព្យធានា ឬវត្ថុធានាដែលតម្រូវ
• ថ្លៃសេវាត្រូវបានអនុវត្តផ្អែកលើប្រភេទលិខិតធានា ចំនួនទឹកប្រាក់ និងរយៈពេល
• រាល់សេវាកម្មទាំងអស់ ត្រូវអនុលោមតាមលក្ខខណ្ឌទូទៅ និងបទប្បញ្ញត្តិជាធរមានរបស់ធនាគារ