សេវាឥណទានសក្ខីបត្រជំនឿទុកចិត្ត គឺជាកម្ចីហិរញ្ញប្បទានសម្រាប់ការនាំចូលរយៈពេលខ្លីរវាងធនាគារ និងអ្នកនាំចូល/អ្នកទិញ។ ក្នុងនោះ ធនាគារនឹងទូទាត់ប្រាក់ជូនអ្នកផ្គត់ផ្គង់សម្រាប់ទំនិញ និងរក្សាកម្មសិទ្ធិស្របច្បាប់ ដោយ បញ្ចេញឯកសារដឹកជញ្ជូនឱ្យទៅអ្នកនាំចូល/អ្នកទិញ ដើម្បីអាចដកយកទំនិញទៅលក់បន្ត ឬអាចប្រើប្រាស់បាន។ ក្រោមលក្ខខណ្ឌនេះ ធនាគារនឹងរក្សាកម្មសិទ្ធិស្របច្បាប់លើទំនិញ រហូតដល់មានការទូទាត់សងប្រាក់បានពេញលេញ។

តាមរយៈមធ្យោបាយហិរញ្ញវត្ថុនេះ អនុញ្ញាតឱ្យអាជីវកម្មអាចបង្កើនលំហូរសាច់ប្រាក់ពីទំនិញ និងធ្វើការទូទាត់សងធនាគារវិញនៅកាលបរិច្ឆេទណាមួយនាពេលក្រោយទៅតាមកិច្ចព្រមព្រៀង។

អត្ថប្រយោជន៍

• ផ្តល់ហិរញ្ញប្បទានរយៈពេលខ្លីដល់អ្នកនាំចូល ដើម្បីទូទាត់ជូនអ្នកផ្គត់ផ្គង់នៅពេលទំនិញមកដល់។
• អនុញ្ញាតឱ្យអាជីវកម្មអាចដកយកទំនិញដើម្បីប្រើប្រាស់ មុនពេលទូទាត់ប្រាក់ពេញលេញឱ្យធនាគារ។
• បង្កើនដើមទុនបង្វិល ដោយអនុញ្ញាតឱ្យលក់ទំនិញបន្ត ខណៈពេលដែលអាចពន្យារការទូទាត់ប្រាក់។
• ពង្រឹងការគ្រប់គ្រងលំហូរសាច់ប្រាក់ និងមានភាពងាយស្រួល។
• ពង្រឹងទំនាក់ទំនងពាណិជ្ជកម្ម តាមរយៈការដឹកជញ្ជូនបានទាន់ពេលវេលា និងការទូទាត់ប្រកបដោយភាពបត់បែន។
• គាំទ្រដល់ការរីកចម្រើននៃអាជីវកម្ម ដោយជួយបំពេញចន្លោះខ្វះខាតរវាងការមកដល់នៃទំនិញ និងការប្រមូលប្រាក់ពីអតិថិជន។
• ផ្តល់នូវភាពបត់បែនក្នុងការទូទាត់សងប្រាក់ ដែលស្របទៅតាមលំហូរនៃអាជីវកម្ម។

លក្ខណៈពិសេសនៃផលិតផល

• ហិរញ្ញប្បទានត្រូវបានផ្តល់ជូនផ្អែកលើឯកសារដឹកជញ្ជូន ឬទំនិញដែលបានបញ្ចេញក្រោមលក្ខខណ្ឌ នៃលិខិតឥណទាន ឬបេឡាវិច័យ។
• ជួយដល់គ្រប់លក្ខខណ្ឌទាំងការបង់ប្រាក់ភ្លាមៗ និងការបង់ប្រាក់តាមដំណាក់កាល ដោយអាស្រ័យលើតម្រូវការពាណិជ្ជកម្ម។
• អនុញ្ញាតឱ្យអាជីវកម្មលក់ទំនិញ និងបង្កើតចំណូលមុនពេលសងត្រឡប់ទៅធនាគារវិញ។
• ការចាត់ចែងឯកសារ និងទំនិញប្រកបដោយសុវត្ថិភាព ក្រោមលក្ខខណ្ឌនៃកិច្ចព្រមព្រៀង។
• ជម្រើសទូទាត់ប្រាក់ប្រកបដោយភាពបត់បែន ជាដុល្លារ ឬរូបិយប័ណ្ណបរទេសផ្សេងៗ។

លក្ខខណ្ឌនៃការស្នើសុំ

• អាចស្នើបានសម្រាប់អតិថិជនសាជីវកម្ម និងរូបវន្តបុគ្គលដែលមានគ្រប់លក្ខខណ្ឌ និងមានគណនីសកម្មនៅធនាគារ។
• ស្ថិតក្រោមការអនុម័តឥណទាន កម្រិតឥណទានដែលបានយល់ព្រម និងការអនុលោមតាមគោលការណ៍របស់ធនាគារ។
• ការចេញ និងការសងត្រឡប់ ត្រូវគ្រប់គ្រងដោយបទប្បញ្ញត្តិហិរញ្ញប្បទានពាណិជ្ជកម្ម និងលក្ខខណ្ឌនៃឥណទានសក្ខីបត្រជំនឿទុកចិត្ត។
• ថ្លៃសេវា និងតារាងពេលវេលាសងប្រាក់ អាស្រ័យលើចំនួនទឹកប្រាក់ឥណទាន រយៈពេល និងប្រភេទនៃឥណទាន។
• រាល់សេវាកម្មទាំងអស់ ត្រូវអនុលោមតាមលក្ខខណ្ឌទូទៅ និងតម្រូវការបទប្បញ្ញត្តិរបស់ធនាគារ។