ផ្ទេរប្រាក់តាម JRF

ធនាគារ វីង និង JRF (Japan Remit Finance Co., Ltd) កូរ៉េ បានចាប់ដៃគ្នា ផ្តល់នូវសេវាផ្ទេរប្រាក់ដោយរលូន និងសុវត្ថិភាព។ ប្រជាជនកម្ពុជាដែលរស់នៅក្នុងប្រទេសកូរ៉េខាងត្បូងទាំងអស់ អាចរីករាយនឹងសេវាផ្ទេរប្រាក់ដែលមានតម្លៃទាបសមរម្យ។ សេវាកម្មនេះអនុញ្ញាតឲ្យអ្នកផ្ទេរប្រាក់ទៅកាន់មនុស្សជាទីស្រឡាញ់នៅស្រុកកំណើតបានយ៉ាងងាយស្រួល។

អត្ថប្រយោជន៍

សន្សំសំចៃ៖ ផ្តល់នូវថ្លៃសេវា និងអត្រាប្តូរប្រាក់ ទាបសមរម្យ អនុញ្ញាតឲ្យអ្នក ផ្ទេរប្រាក់ទៅកាន់មនុស្សជាទីស្រលាញ់នៅប្រទេសកម្ពុជាបានកាន់តែងាយស្រួល។
ចំណេញពេលវេលា៖ ការផ្ទេរប្រាក់មានភាពរហ័ស—ប្រាក់នឹងវេរចូលគណនីអ្នកទទួលភ្លាមៗ ហើយអ្នកក៏អាចតាមដានប្រតិបត្តិការផ្ទេរប្រាក់នេះតាមរយៈអនឡាញ ឬតាមសារជូនដំណឹងផងដែរ។
ជ្រើសរើសវិធីសាស្ត្រផ្ទេរដែលអ្នកពេញចិត្ត៖ ផ្តល់ជម្រើសបត់បែន លើការផ្ទេរ និងទទួលប្រាក់។ អ្នកអាចជ្រើសរើសការផ្ទេរប្រាក់ចូលទៅកាន់ គណនីធនាគារ វីង របស់អ្នកទទួល ឬជ្រើសរើសវិធីដកសាច់ប្រាក់ផ្ទាល់។

របៀបផ្ទេរប្រាក់

ចុះឈ្មោះអនឡាញ

ដោនឡូត អេប JRF ដើម្បីចុះឈ្មោះប្រើប្រាស់
ជ្រើសរើស “ ប្រទេសកម្ពុជា “ ជាមួយថ្លៃសេវាទាបសមរម្យ
បញ្ជាក់ព័ត៌មានការផ្ទេរប្រាក់ និងចុចប៊ូតុង ផ្ទេរ លុយរបស់អ្នកនឹងត្រូវផ្ទេរទៅកាន់អ្នកទទួលយ៉ាងមានសុវត្ថិភាព

ទៅកាន់សាខា JRF

ទៅកាន់ សាខា JRF ណាមួយក្នុងប្រទេសកូរ៉េ
ចុះឈ្មោះប្រើប្រាស់ដោយភ្ជាប់មកជាមួយនូវ អត្តសញ្ញាណប័ណ្ណ ឬលិខិតឆ្លងដែន លេខទូរស័ព្ទ និងទីលំនៅជាដើម។
បំពេញពាក្យស្នើសុំផ្ទេរប្រាក់ ដោយមានឈ្មោះអ្នកទទួល លេខទូរស័ព្ទ ទីលំនៅ និងជ្រើសរើសវិធីទទួលប្រាក់ (វេរចូលគណនីធនាគារ វីង ឬដកជាសាច់ប្រាក់)
ទូទាត់ថ្លៃផ្ទេរ និងថ្លៃសេវា ជាប្រាក់សុទ្ធ ឬតាមកាត
ទទួលបានលេខកូដបញ្ជាក់ប្រតិបត្តិការ ដែលមាន 8 ខ្ទង់ (ប្រសិនជាអ្នករើសការដកជាសាច់ប្រាក់)
អ្នកទទួល នឹងទទួលបានប្រាក់ទៅក្នុងគណនីធនាគារ វីងរបស់ពួកគេភ្លាមៗ ឬអាចដកជាសាច់ប្រាក់នៅតាមវីងគ្រប់ទីកន្លែងទូទាំងប្រទេស។

របៀបទទួលប្រាក់ផ្ទេរ

ទទួលតាមរយៈគណនីធនាគារ វីងផ្ទាល់

អ្នកទទួលមិនតម្រូវឲ្យធ្វើប្រតិបត្តិការបន្ថែមអ្វីទាំងអស់—ប្រាក់នឹងត្រូវវេរចូលគណនីធនាគារ វីងភ្លាមៗ។

ចំណាំ៖ អតិថិជនត្រូវតែមានគណនីធនាគារ វីង ពេញលេញ.

សម្រាប់ការដកសាច់ប្រាក់តាមវីង

អញ្ជើញទៅកាន់វីង ដែលនៅជិត
ភ្ជាប់មកជាមួយនូវទូរស័ព្ទ និងលេខកូដ ដកប្រាក់ 8ខ្ទង់

លក្ខខណ្ឌ និងដែនកំណត់

សម្រាប់ការដកសាច់ប្រាក់តាមវីង៖ ផ្ទេរបានរហូតដល់ 1,000 ដុល្លារក្នុងមួយប្រតិបត្តិការ និង 3,000 ដុល្លារ ក្នុងមួយថ្ងៃ។
សម្រាប់ទទួលប្រាក់តាមរយៈគណនីធនាគារ វីង៖ ផ្ទេរបានរហូតដល់ 2,500 ដុល្លារ ក្នុងមួយប្រតិបត្តិការ និង 5,000 ដុល្លារ ក្នុងមួយថ្ងៃ។

សំនួរញឹកញាប់

1. តើសេវាកម្ម JRF គឺជាអ្វី?
JRF គឺជាក្រុមហ៊ុនផ្ទេរប្រាក់អន្តរជាតិដែលមានមូលដ្ឋាននៅប្រទេសកូរ៉េ និងប្រទេសជប៉ុន។ ផ្តល់ជូននូវសេវាផ្ទេរប្រាក់ សាមញ្ញ រហ័ស និងតម្លៃសមរម្យ ទៅកាន់ស្រុកកំណើត។
2. តើអ្នកណាខ្លះដែលអាចប្រើប្រាស់សេវានេះបាន?
អតិថិជនដែលរស់នៅប្រទេសកូរ៉េខាងត្បូងអាចចុះឈ្មោះប្រើប្រាស់សេវានេះដោយភ្ជាប់មកជាមួយនូវ លិខិតឆ្លងដែន ឬអត្តសញ្ញាណប័ណ្ណសញ្ជាតិកូរ៉េ ប័ណ្ណស្នាក់នៅ ឬប័ណ្ណចុះឈ្មោះជនបរទេស ឬមានគណនីធនាគារកូរ៉េ។
3. តើខ្ញុំអាចចុះឈ្មោះប្រើ JRF ដោយវិធីណា?
ដើម្បីចុះឈ្មោះ អ្នកត្រូវ៖
- ដោនឡូតអេប JRF នៅលើ Google Playstore (Android) ឬ App store (IOS)
- បន្ទាប់ពីដោនឡូតរួចរាល់ សូមចុចលើពាក្យចុះឈ្មោះ និងធ្វើតាមការណែនាំពីការចុះឈ្មោះ
ឬអញ្ជើញទៅកាន់សាខារបស់ JRF ដែលមានទីតាំងនៅ Ansan ហើយប្រាប់បុគ្គលិកអំពីការចុះឈ្មោះប្រើប្រាស់។
4. តើខ្ញុំត្រូវមានឯកសារអ្វីខ្លះដើម្បីចុះឈ្មោះ?
ដើម្បីចុះឈ្មោះប្រើប្រាស់អ្នកត្រូវមាន៖
សម្រាប់ជនបរទេស
- លិខិតឆ្លងដែនដែលមានសុពលភាព ឬប័ណ្ណចុះឈ្មោះជនបរទេស
- លេខទូរស័ព្ទ
- ព័ត៌មានលម្អិតពីគណនីធនាគារ
សម្រាប់ជនជាតិកូរ៉េ
- អ្នកអាចទៅកាន់សាខា JRF ដែលមានទីតាំងនៅ Ansan ហើយបុគ្គលិកនឹងធ្វើការចុះឈ្មោះប្រើប្រាស់ជូនលោកអ្នក
- លេខទូរស័ព្ទ
- ព័ត៌មានលម្អិតពីគណនីធនាគារ
5. តើដែនកំណត់នៃការផ្ទេរប្រាក់របស់ខ្ញុំមានប៉ុន្មាន?
ដែនកំណត់សម្រាប់ការផ្ទេរគឺរហូតដល់ USD 5,000 ក្នុងមួយប្រតិបត្តិការ ។
6. តើថ្លៃសេវានៃការផ្ទេរប្រាក់មានតម្លៃប៉ុន្មាន?
ថ្លៃសេវាផ្ទេរចាប់ពី 5000 វ៉ុន ឡើងទៅ។
7. តើខ្ញុំអាចស្នើសុំលុបចោលប្រតិបត្តិការរបស់ខ្ញុំបានទេ?
អ្នកអាចស្នើសុំលុបចោលប្រតិបត្តិការប្រសិនបើ៖
- នៅពេលដែលទឹកប្រាក់ មិនទាន់បានបញ្ចូលទៅក្នុងគណនីអ្នកទទួល
- នៅពេលដែលដំណើរការផ្ទេរប្រាក់របស់អ្នក មានព័ត៌មានធនាគារអ្នកទទួលមិនត្រូវ នោះអ្នកនឹងតម្រូវឲ្យធ្វើការទាក់ទងមកកាន់ JRF ភ្លាមៗ ដើម្បីស្នើសុំលុបចោល ឬកែសម្រួល និងធ្វើការផ្ទេរប្រាក់ជាថ្មីម្តងទៀត ( ក្នុងករណីដែលប្រាក់ផ្ទេរមិនទាន់បានវេរចូលទៅក្នុងគណនីអ្នកទទួល)
8. តើខ្ញុំអាចពិនិត្យមើលស្ថានភាពផ្ទេរប្រាក់ និងលេខប្រតិបត្តិការតាមរបៀបណា?
អ្នកអាចពិនិត្យមើលស្ថានភាពផ្ទេរប្រាក់ និងលេខប្រតិបត្តិការតាមទំព័រ ប្រវត្តិប្រតិបត្តិការ។

ផ្ទេរប្រាក់តាម JRF

អត្ថប្រយោជន៍

របៀបផ្ទេរប្រាក់

ចុះឈ្មោះអនឡាញ

ទៅកាន់សាខា JRF

របៀបទទួលប្រាក់ផ្ទេរ

ទទួលតាមរយៈគណនីធនាគារ វីងផ្ទាល់

សម្រាប់ការដកសាច់ប្រាក់តាមវីង

លក្ខខណ្ឌ និងដែនកំណត់

សំនួរញឹកញាប់

1. តើសេវាកម្ម JRF គឺជាអ្វី?

2. តើអ្នកណាខ្លះដែលអាចប្រើប្រាស់សេវានេះបាន?

3. តើខ្ញុំអាចចុះឈ្មោះប្រើ JRF ដោយវិធីណា?

4. តើខ្ញុំត្រូវមានឯកសារអ្វីខ្លះដើម្បីចុះឈ្មោះ?

5. តើដែនកំណត់នៃការផ្ទេរប្រាក់របស់ខ្ញុំមានប៉ុន្មាន?

6. តើថ្លៃសេវានៃការផ្ទេរប្រាក់មានតម្លៃប៉ុន្មាន?

7. តើខ្ញុំអាចស្នើសុំលុបចោលប្រតិបត្តិការរបស់ខ្ញុំបានទេ?

8. តើខ្ញុំអាចពិនិត្យមើលស្ថានភាពផ្ទេរប្រាក់ និងលេខប្រតិបត្តិការតាមរបៀបណា?