សេចក្តីជូនដំណឹងស្តីពីការបិទគណនី

អតិថិជនជាទីគោរព, 

ធនាគារ វីង (ខេមបូឌា) ម.ក  សូមជម្រាបជូនលោក-លោកស្រី អំពីការចាប់ផ្តើមបិទគណនី វីង ដោយ ស្វ័យប្រវត្តិចំពោះគណនីដែលស្ថិតក្នុងលក្ខខណ្ឌដូចខាងក្រោម៖ 

• គណនីដែលម្ចាស់គណនីត្រូវបានរំលាយ អសាធនភាព ត្រូវបានប្រកាសក្ស័យធន ឬ អាជ្ញាបណ្ណ ឬ លិខិតអនុញ្ញាតអាជីវកម្មរបស់ពួកគេត្រូវបានដកហូត ផ្អាក ឬផុតសុពលភាព និង/ឬដោយសារ ហេតុ ផលផ្សេងទៀតដែលធនាគារយល់ឃើញថាសមស្របតាមការសម្រេច ដោយសមហេតុផល របស់ ធនាគារ និងស្របតាមច្បាប់ និងបទប្បញ្ញត្តិជាធរមាន។ 
• គណនីដែលកាលបរិច្ឆេទប្រតិបត្តិការចុងក្រោយបានលើសពី 13 ខែ។ 
• គណនីដែលបានបង្កើតរួច ប៉ុន្តែមិនធ្លាប់បានបើកដំណើរការ។ 

គណនីរបស់លោកអ្នកដែលស្ថិតក្រោមលក្ខខណ្ឌដូចមានរៀបរាប់ខាងលើ នឹងត្រូវបិទដោយស្វ័យប្រវត្តិ ត្រឹម ថ្ងៃទី 2 ខែកញ្ញា ឆ្នាំ 2026។ 

ប្រសិនបើលោកអ្នកត្រូវការព័ត៌មានបន្ថែម ឬមានចម្ងល់ពាក់ព័ន្ធនឹងការបិទគណនីនេះ សូមទាក់ទង មកកាន់ ប្រធានផ្នែកទំនាក់ទំនងអតិថិជនរបស់អ្នក ផ្នែកបម្រើសេវាអតិថិជន ធនាគារ វីង តាម រយៈលេខទូរសព្ទ 023 999 989 / 012 999 489 ឬអញ្ជើញមកកាន់សាខា ធនាគារ វីង ដែលនៅជិតលោកអ្នកបំផុត។ 

យើងខ្ញុំសូមថ្លែងអំណរគុណយ៉ាងជ្រាលជ្រៅ ចំពោះការបន្តផ្តល់ទំនុកចិត្តមកលើ ធនាគារ វីង ហើយ យើងខ្ញុំ រីករាយក្នុងការបន្តបម្រើសេវាកម្មជូនលោកអ្នកជានិច្ច។ 

ធនាគារ វីង (ខេមបូឌា) ម.ក